Goditet banda e shpërndarësve të drogës në shkolla, në pranga 6 shqiptarët në Itali

28
Kliko per me shume info

Policia italiane ka përfunduar me sukses operacionin ndaj trafikimit të drogës në shkolla. Sipas raportimit nga Autoriteti Gjyqësor Italian, në pranga kanë rënë 14 persona, 6 prej të cilëve me kombësi shqiptare. Po ashtu, policia tregon se 2 prej 6 shqiptarëve, janë vëllezër P.A dhe R.A, njëri 25 e tjetri 22 vjeç.
Operacioni vjen si rezultat i hetimeve të nisura që nga viti 2015, pas një alarmi të lëshuar nga drejtori i një shkolle të njohur në Como të Italisë. Nga hetimi i bërë u verifikua që shpërndarja e drogës bëhej para nisjes së orarit të mësimit, gjatë pushimeve ose pas përfundimit të mësimit. Për këtë aktivitet, prokuroria e Komos dhe Milanos kishte përfshirë në hetim 11 persona, me 1 të arrestuar në flagrancë gjatë kohës që shpërndante drogë.

Hetimet e mëvonshme udhëhoqën operacionin “Fokus” në çmontimin e një zinxhiri shpërndarësish droge që furnizonin studentët e shkollave. Hetimi u bë edhe falë bashkëpunimit të marrë nga drejtuesit e institucioneve arsimore, shkruajnë mediat italiane. Si ndërmjetëse mes studentëve klientë dhe shpërndarësve të drogës vepronte një vajzë vendase e cila e njihte mirë terrenin.

Kliko per me shume info
SHARE

LEAVE A REPLY

Please enter your comment!
Please enter your name here