Acari në gjithë Shqipërinë, ushtria kryen 5 operacione evakuimi me helikopter

Gjatë së dielës Forcat e Armatosura u angazhuan në 5 misione shpëtimi. Dy helikopter Cougar u ngritën në fluturim duke i ardhur në ndihmë 3 personave që ishin bllokuar në Iballë të Pukës.

Po ashtu, një person u shpëtua në Tepelenë si dhe një tjetër në Koman, ndërsa një grua shtatzënë u transportua nga Arrasi i Kuksit në QSUT-ë në kryeqytet. Në një rast tjetër në Fan të Mirditës , familjarët e një gruaje shtatzënë nuk pranuan ta hipnin në helikopter.

Ndërkohë, akset kombëtare janë plotësisht të qarkullueshme dhe vetëm në disa segmente ka nevojë për përdorimin e zinxhirëve. Sipas Ministrisë së Brendshme, situata është nën kontroll dhe punonjësit e emergjencave, gjenden në terren.

Në Rrugën e Kombit vijon puna për pastrimin e borës dhe akullit ndërsa në akset Kukës-Has-Tropojë dhe Tropojë-Qafë Morinë qarkullimi kryhet me zinxhirë.

“Ka nisur puna që në orët e para të mëngjesit në të gjitha drejtimet për akset e bllokuara për t’i bërë ato të mundur të qarkullueshme”, deklaroi Bujar Muçmata, Sekretar i Përgjthshëm i Bashkisë Kukës.

Problem paraqesin akset rurale , Grykë Çajë, Kalisë, Arrën, Surroj, Topojan, Shishtavec dhe Gjinaj mbeten te bllokuara. Edhe në aksin rrugor kombëtar Qafë Bualli-Peshkopi, njësia administrative Maqellarë, qarkullimi kryhet me zinxhirë. Aksi rrugor Shkodër-Qafë Thore-Theth është i bllokuar, ndërsa trashësia e borës ka arritur 1 metër.

Fadroma nga Drejtoria e Përgjithshme e Emergjencave Civile dhe Ministria e Mbrojtjes po punojnë për hapjen e akseve rrugore në Bashkinë Malësi e Madhe.

Në Elbasan, aksi rrugor Librazhd-Stëblevë i kalueshëm me zinxhirë. Por i ftohti shënoi edhe një tjetër viktimë. Këtë radhë në Sarandë. 54-vjeçari endacak Leonard Beqiri ndërroi jetë në spital. Ai u gjet në rrugë nga policia dhe u dërgua për mjekim, por nuk mundi dot të jetojë. 54-vjeçari jetonte prej kohësh në një makinë të braktisur.

Pas debateve në distancë të deputetit Pjerin Ndreu me ministrin e Transporteve, Sokol Dervishaj inspektoi rrethin e Pukës. I shoqëruar edhe nga deputeti socialist, Dervishaj deklaroi se rrugët nuk kanë qenë asnjëherë të bllokuara pavarësisht se temperaturat kanë arritur në -20 gradë. Kritikave për firmat kontraktore në rrugë, Dervishaj pavarësisht se nuk paraqiti asnjë ankesë tha se në përfundim të situatës do t’i bëjë analizë punës së tyre.

“Aktualisht situata nuk është më problematike dhe po shkon drejt përmirësimit, por të mos harrojmë se jemi në kushte dimri dhe sidomos drejtuesit mjeteve në disa zona duhet të kenë kujdes dhe të përdorin zinxhirë dhe goma dimri për automjetet. Në lidhje me disa kritika ndaj firmave të mirëmbajtjes, ne si Ministri e Transportit në përfundim të kësaj situate do të zhvillojmë një vlerësim të detajuar për mënyrën se si u përballua situata jo vetëm në transpotin rrugor, por edhe në atë detar dhe të aviacionit civil. Por ajo që konstatoj dhe nga terreni firmat kanë reaguar duke pastruar borën dhe hedhur sasi të mëdha kripe në rrugë”, deklaroi Dervishaj.

Temperaturat e ulëta nën 0 kanë krijuar një situatë të pazakontë prej dekadash në rrethin bregdetar të Durrësit. Bora ia ka lënë vendin ngricës. Rrugë, trotuare dhe sheshe ndodhen nën pushtetin e ngricës duke e vështirësuar ndjeshëm lëvizjen. Ky mot i ka kapur të papërgatitur banorët e bregdetit të pamësuar për të përballuar temperatura kaq të ulëta dhe lëvizjen në ngricë, ku nuk kanë munguar dhe rrëshqitjet e pësimet e frakturave.top channel

Kliko per me shume info Kliko per me shume info

Leave a Reply

Your email address will not be published. Required fields are marked *

*

x

Check Also

Gruaja i drejtohet kryeministrit: ‘’Po më vdes vajza në spital”, Rama i bën bllok

Një vajzë e vogël, 12 vjeçe, vuan nga “Karcinoma”, një lloj tumori ...