Reagimi i parë i Vladimir Putin pas rrëzimit të avionit me 92 viktima

Bota

Presidenti rus, Vladimir Putin, shprehu ngushëllimet e tij për familjet e 92 personave që humbën jetën tragjikisht pasi një avion ushtarak u përplas në Detin e Zi.

“Unë dua të shpreh ngushëllimet e mia më të sinqerta për familjet e atyre që u ndanë nga jeta. Qeveria do të formojë një komision i cili do të kryesohet nga ministri i Transportit. Një hetim i plotë për shkaqet e aksidentit do të kryhet dhe çdo gjë do të bëhet për të mbështetur familjet e të vrarëve. Dita e hënë është ditë zie kombëtare për Rusinë”, deklaroi Putin.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Të gjitha pistat po merren në konsideratë për avionin që u zhduk nga radari 2 minuta pasi u ngrit në fluturim nga resorti turistik i Soçit. Autoritetet ruse gjeten pjesë të avionit në Detin e Zi dhe disa trupa, ndërsa nuk ka raporte për të mbijetuar.

Mësohet se avioni Tupolev 154 po transportonte ushtarakë, anëtarë të orkestrës së famshme ushtarake Aleksandrov dhe reporterë.

Në bordin e tij gjendeshin 84 pasagjerë dhe 8 anëtarë ekuipazhi në udhëtimin drejt qytetit sirian të Latakias, ku orkestra Aleksandrov do të zhvillonte një shfaqje për trupat ruse për Vitin e Ri.

ME TE LEXUARAT