Zgjedhjet në Amerikë, ndonëse udhëheq, Clinton është në rrezik
Zgjedhjet në Amerikë janë ende në process. Duket si beteja më e fortë e parë në histori teksa shihet se lufta para ditës finale ka qenë shumë e theksuar. Kemi parë se Hillary Clinton planifikon që të rrisë taksat për të pasurit, kurse Donald Trump kërkon t’i ulë. Ky është ndryshimi më i madh mes dy kandidatëve kryesorë për President në SHBA. Po ashtu, kandidati republikan kërkon që të anulojë reformat e Barack Obamës për sistemin shëndetësor si dhe për Ëall Street. Por, tashmë që nuk ka mbetur më kohë për fushatë, Hillary Clinton duket se udhëheq në sondazhet e fundit. Duke synuar që të zgjidhet e para presidente femër, Clinton do ta mbyllë fushatën në Karolinë e Veriut, që është një shtet i pavendosur. Kurse Trump do ta mbyllë siparin e fushatës në Michigan, ku shpreson të që marrë një rezultat surprizë.
Rreth 1/3 e votave – të paktën 41 milionë në 48 shtete – janë numëruar në votimin e parakohshëm, raporton “Associated Press” dhe ekziston ende mundësia që Clinton të humbasë, shkruan “The Guardian”. Pavarësisht se udhëheq sondazhet, ekspertët thonë se Hillary nuk është në një pozicion të sigurt.