Vrasja e 44-vjeçarit në Sarandë, familjarët: Nëse s’vihet drejtësia, do bëjmë vetëgjyqësi

polic-sarandeMes lotëve dhe dhimbjes kanë përcjellë në banesën e fundit 44-vjeçarin Artan Hoxha, baba i dy fëmijëve, por për familjarët tronditja është mjaft e madhe. I dashuri i tyre mbeti i vrarë në vendin e punës, një pikë karburanti në Sarandë, gjatë një grabitje me armë.

Të gjithë kanë mbetur të shokuar nga ngjarja, familjarë, miq e shokë. 44-vjeçarin ata e përshkruajnë si njeri të qetë, punëtor e të dashur. Gruaja e tij, Zana Hoxha rrëfen mes dhimbjes, se bashkëshorti i saj i ndjerë punonte shumë për të siguruar para për familjen, dhe përpiqej të mundësonte blerjen e ilaçeve për vajzën e sëmurë, 15 vjeç. Ndërsa, djalin 22-vjeçar e kishte marrë me vete tek puna, për të nxjerrë edhe ai sadopak të ardhura. Jeta për ta nuk ishte e thjeshtë, pasi kushtet në të cilat jetojnë janë të vështira.

LEXO EDHE:  Vdekja tragjike e kameramanit, reagon Artan Hoxha, ja shkrimi prekës
Kliko per me shume info

Ndërsa, vëllai i Artan Hoxhës, i cili ka marrë me qira një lavazh pranë karburantit ku mbeti i vrarë 44-vjeçari, i bën apel organeve të drejtësisë të bëjnë punën e tyre. Ndërsa në të kundërt ai thotë se: “Nëse drejtësia nuk flet siç duhet, atëherë do bëj vetëgjyqësi”.

NGJARJA:

Ngjarja ka ndodhur rreth orës 03.55 të së dielës, kur një person që drejtonte një motor të kuq dhe me skafandër në kokë ka hyrë në lokalin e karburantit ku punonte Artan Hoxha, 44-vjeç, banues në fshatin Gjashtë. Në ato momente në lokal ndodheshin dy punonjësit e lokalit dhe punonjësi i karburantit, Artan Hoxha, i cili qëndronte vetëm, disi i përgjumur. Nën kërcënimin e një arme gjahu, çifte, grabitësi ka arritur të marrë rreth 60.000 lekë të reja nga banakieri. Teksa po largohej, ai ka marrë cigare dhe çamçakëzë në ekspozitor, por i kanë rënë në tokë disa nga paratë që mbante në dorë. Pasi ka marrë nga toka paratë dhe teksa po dilte, nga tavolina ka lëvizur 44-vjeçari Artan Hoxha.

LEXO EDHE:  Burri i jep fund jetës, pi fotoksinë

Lëvizja e tij e ka trembur grabitësin, i cili e ka goditur pa paralajmërim drejt e në gjoks dhe është larguar me vrap duke marrë motorin për të dalë në rrugën kryesore me drejtim qytetin e Sarandës. 44-vjeçari Hoxha është transportuar me urgjencë drejt Spitalit të Sarandës, por ka mbërritur i vdekur.

Përmes pamjeve filmike të karburantit dhe bizneseve fqinje, por edhe dëshmive, është arritur në identifikimin e të dyshuarit, pikërisht shtetasit Arqilea Koçi, 27-vjeç, banues në Qeparo, i skeduar si përdorues i lëndëve narkotike. Hetimet e shpejta kanë konkluduar edhe në zbulimin e lidhjeve shoqërore të të dyshuarit, konkretisht në emrin e mikut të tij, Mihal Leka, 33vjeç, banues në Sarandë. Policia ka ushtruar menjëherë kontroll në banesën e këtij të fundit në lagjen nr.4 të Sarandës, ku ka zbuluar armën e krimit, motorin, skafandrën dhe një sasi të vogël lënde narkotike, por jo Lekën dhe të dyshuarin e vrasjes, Arqilea Koçi.

LEXO EDHE:  Ngjarje e rëndë në Fier, polici vret veten me armën e shërbimit

Për këtë është organizuar një tjetër operacion, disa dhjetëra metra larg banesës, konkretisht në një hotel për të cilin ishte marrë informacion se fshiheshin dy shokët. Operacioni ka rezultuar i suksesshëm, duke çuar në arrestimin e 27-vjeçarit Arqilea Koçi dhe 33-vjeçarit Mihal Leka. Brenda në dhomë policia ka gjetur dhe sekuestruar një pjesë të parave të grabitura si dhe një fishek çifteje në rrobat e autorit. /News24/

Kliko per me shume info

LEAVE A REPLY

Please enter your comment!
Please enter your name here