Vetting-u, Unioni i Gjyqtarëve: Kushtetuesja ta shfuqizojë, ka papajtueshmëri

gjykataaaSipas Unionit të Gjyqtarëve, Ligji i Vetting –ut është i papajtueshëm me Kushtetutën dhe për këtë arsye do t’i drejtohet Gjykatës Kushtetuese për shfuqizimin e tij.

Në një deklarate, Unioni thotë gjithashtu se Bordi Drejtues do të shqyrtojë Ligjin për Statusin e Gjyqtarit dhe Prokurorit, pasi edhe ky ligj ka dispozita antikushtetuese.

Kliko per me shume info

“Qëndrimi i Asamblesë së Unionit të Gjyqtarëve të Shqipqrisë është se ligji për “Vettingun” ka papajtueshmëri me Kushtetutën e Shqipërisë dhe për pasojë do t’i kërkojë Gjykatës Kushtetuese shfuqizimin e këtij ligji. Gjithashtu, Asambleja autorizoi Bordin Drejtues që të shqyrtojë edhe Ligjin për Statusin e Gjyqtarit dhe Prokurorit, pasi edhe ky ligj ka dispozita antikushtetuese”, thuhet në deklatatë.

Gjykata Kushtetuese e pezulloi ligjin e Vetting –ut një javë më parë dhe i është drejtuar për mendim Komisionit të Venecias, lidhur me pajtueshmërinë e tij me Kushtetutën dhe Konvetën Europiane të të Drejtave të Njeriut.

Dërgimi në Venecia i ligjit të Vetting-ut erdhi pas padisë së Partisë Demokratike, e cila kërkoi pezullimin e tij, mendim lidhur me kushtetueshmërinë e tij nga Komisioni i Venecias dhe shpalljen si antikushtetues të ligjit, për të cilin opozita thotë se bie ndesh me ndryshimet konsensuale të bëra në ligjin themeltar të shtetit, në 21 Korrik.

1 COMMENT

LEAVE A REPLY

Please enter your comment!
Please enter your name here