Urdhër arresti ndërkombëtar për autorin e vrasjes tek Parku i Prishtinës
I dyshuari për vrasjen e dyfishtë te Parku i Qytetit në Prishtinë, është duke u kërkuar edhe nga autoritetet e Shqipërisë. Këtë e ka konfirmuarzëdhënësja e Policisë për rajonin e Prishtinës, Flora Ahmeti.
Ajo ka thënë se për të dyshuarin ka urdhër-arrest vendor dhe ndërkombëtar, duke shtuar se kjo nënkupton se urdhër-arresti për Lulzim Idrizajn është përcjellë edhe te Autoritetet e Republikës së Shqipërisë.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
“Personi i vetëm i dyshuar për këtë rast është L. Idrizi i cili gjendet në arrati, pra s’ka të dyshuar apo të arrestuar të tjerë”, ka thënë Ahmeti.
Sipas saj, rasti është edhe në Prokurori, ku aktualisht janë duke u kryer veprime hetimore në koordinim me prokurorinë përkatëse.
Incidenti i cili ndodhi rreth tre muaj më parë la të vdekur dy të rinjtë, Arianit Gashin dhe Eron Agajn te parku i qytetit në Prishtinë. Ata ishin me një skuter kur Idrizi shtiu drejt tyre me armë zjarri duke i lënë të vdekur. /lajmi