FMN-ja një lajm të mirë: Shqipëria do ketë rritjen më të lartë të ekonomisë në Ballkan

Kliko per me shume info

UntitledNë muajt e fundit të këtij viti, Fondi Monetar Ndërkombëtar deklaroi se vitin e ardhshëm Shqipëria do të rikthehet të jetë ekonomia me rritjen më të shpejtë në Ballkan. Duke publikuar raportin mbi zhvillimet ekonomike në Europën Qendrore dhe atë Juglindore, FMN-ja tregon qartazi një rritje të ekonomisë Shqiptare. Sipas raportit, prodhimi kombëtar i Shqipërisë do të rritet vitin e ardhshëm me 3.7 për qind, duke lënë pas të gjitha ekonomitë e tjera të Ballkanit Perëndimor, të cilat do të kenë një rritje më të ulët.

Po ashtu, sipas FMN-së, rritja e parashikuar ekonomike për Shqipërinë do të jetë e dyta më e larta në të gjitha vendet ish-komuniste të Europës Lindore. Vetëm Rumania parashikohet të ketë një rritje ekonomike lehtësisht më të lartë se Shqipëria, me 3.8 për qind, ndërsa në të gjitha vendet e tjera prodhimi do të rritet më ngadalë. Shqipëria e humbi statusin e ekonomisë më dinamike në rajon pas vitit 2012, kur rritja e prodhimit ra në mënyrë drastike, duke cekur shifrën minimale 1 për qind. Por, sipas FMN-së, në tri vitet e fundit ekonomia është rimëkëmbur gradualisht, edhe pse me ritme të ngadalta, falë investimeve të huaja në projektet madhore si TAP apo kaskada e Devollit, por edhe rigjallërimit të konsumit privat.

Kliko per me shume info

Por, edhe pse rikthehet në krye të rajonit, sërish rritja ekonomike e vendit mbetet më e ulët nga ajo e viteve të para krizës, kur prodhimi kombëtar është rritur mesatarisht me 6 për qind në vit. Sipas FMN-së, ekonomia shqiptare pritet të përshpejtohet gradualisht deri në 4.2 për qind, ndërsa normat e rritjes përpara krizës nuk mund të arrihen më, për shkak se bota ka hyrë në një normalitet të ri ekonomik, ku të gjitha vendet rriten më ngadalë

SHARE

LEAVE A REPLY

Please enter your comment!
Please enter your name here