Rozana Radi: I kam bërë të gjitha, tani dua të bëhem nënë

rozana-radi-gjoksNjihet si një ndër tekstshkrueset më të mira në vend, e jo rastësisht në këngët pjesëmarrëse në festivale Rozana Radi ka pasur fabula tejet të veçanta e domethënëse.

Edhe këtë vit, këngëtarja ka arritur të rrëmbejë vëmendjen e publikut me këngën e titulluar “Ma thuaj ti”, e cila është monologu i një femre dhe nëne të dhunuar. “Në ‘Kënga Magjike’ vij për të dhënë mesazh dhe për të lënë gjurmë”, – tregon këngëtarja për “Bluetooth”. Megjithatë, çmimet janë të rëndësishme për karrierën e çdo artisti dhe Rozana nuk bën përjashtim.

Kliko per me shume info

“Në ‘Kënga Magjike’ janë nderuar të gjithë me çmime dhe kush shkon në finale e merr një çmim. Asnjë këngë e mirë nuk del pa çmim në këtë festival dhe kjo është pozitive”, – pohon këngëtarja, e cila pranon se është ende herët për të menduar për çmimin e parë.

LEXO EDHE:  Ish Sophie e 'Zonë e Lirë' do bëhet mami

“Nuk i kam dëgjuar ende të gjitha këngët”, – thotë ajo. Ndonëse është vlerësuar shpesh me çmime në festivalet ku ka marrë pjesë, Rozana nuk ka arritur të ngrejë trofeun e çmimit të parë. Sidoqoftë, kjo nuk e ka bërë që t’i “braktisë” ata. “Jam shumë e re për të hequr dorë nga festivalet”, – thotë këngëtarja.

E teksa kënga e saj “Ma thuaj ti” numëron më shumë se 800 mijë klikime në “Youtube”, Rozana Radi vjen në rolin e prezantueses në një emision investigativ. “Boom” titullohet emisioni që këngëtarja drejton së bashku me Fiori Dardhën në “Ora News”.

LEXO EDHE:  Pyetet për ‘Lolitën’ dhe sulmet e hapura ndaj saj, përgjigjja s’është ajo që prisni

“‘Boom’ është një emision që do të sjellë një frymë të re. Ai është konceptuar ndryshe”, – tregon Rozana, sipas së cilës, ky emision është më i veçantë nga të gjithë edhe për një arsye tjetër. “Stafi është i përbërë vetëm nga femra dhe ne themi ‘Who run the word? Girls(Kush e drejton botën? Vajzat)’. Kur një staf ka vetëm femra, mendohet se edhe fryma do të jetë shumë e mirë. Them ‘frymë e mirë’ jo se do t’i shohim gjërat me pozitivitet, por frymë e mirë në aspektin e show-t.

Nisur që nga skenografia, kostumografia, ndriçimi, janë të gjithë këta elementë që do të sjellin diçka ndryshe”. Rozana Radin deri tani e kemi parë si aktore, këngëtare, tekstshkruese e kërcimtare. Por, çfarë ka mbetur pa bërë dhe në cilin rol do ta shohim në të ardhmen? Këngëtarja përgjigjet: “Nuk jam bërë akoma mama, kjo ka mbetur pa bërë. Unë nuk planifikoj asgjë, nuk bëj plane në jetën time, të gjitha gjërat m’i ka sjellë Zoti”. E pyetur nëse do të bëhet nënë së shpejti, Rozana thotë: “Kush femër nuk do të bëhet nënë?! Unë, që kur kam parë mamanë time, mendoja se do bëhesha një nënë shembullore”.

LEXO EDHE:  “A e donte burri jot nusen të virgjër?”/ Kejvina vë në siklet Almedën, ajo i jep përgjigjen që s’e priste
Kliko per me shume info

LEAVE A REPLY

Please enter your comment!
Please enter your name here