Jep dorëheqjen Ambasadori i Kosovës në Shqipëri

6
Kliko per me shume info

lladrovciRamiz Lladrovci nuk është më ambasador në Shqipëri. Ai pas kandidaturës për kryetar të Komunës së Drenasit ua ka prezantuar letrën e dorëheqjes institucioneve përkatëse.

Më poshtë letra, të cilën e ka shpërndarë Lladrovci:

Dorëheqja ime nga Ambasadori i R. Kosovës në Shqipëri!

SH.T.Z Hashim THAÇI
President i Republikës së Kosovës
SH.T.Z Enver HOXHAJ
Ministër i Punëve të Jashtme të Republikës së Kosovës
Tiranë, më 8 nëntor 2016
I nderuar Shkëlqesia Juaj President Hashim Thaçi,
Duke ju falenderuar përzemërsisht për emërimin tim në detyrën e lartë të Ambasadorit të Republikës së Kosovës në Republikën e Shqipërisë, më lejoni që sot, të paraqes para Jush dhe Institucioneve të Kosovës, dorëheqjen time të parevokueshme, për shkak të kandidimit tim në postin e Kryetarit të Komunës në Drenas.
Në të gjithë periudhën që kam ushtruar detyrën e lartë të ambasadorit në Tiranë, kam bërë të gjitha përpjekjet për të krijuar klimën E bashkëpunimit dhe të bashkërendimit mes dy shteteve tona dhe jam i lumtur që puna ime është cilësuar në nivele të larta.
Dorëheqja ime sot vjen menjëherë pasi Partia Demokratike e Kosovës e gjeti të arsyeshme të më kandidojë në vendlindjen time, në Drenas, për të vazhduar punën e suksesshme të pararendësve të mi në këtë detyrë.
Të jeni të bindur se, duke besuar në verdiktin e popullit të Zonës sonë, nëse do të gjejë të arsyeshme staturën time politike për ta mbështetur atë, e gjithë puna dhe veprimtaria ime do të jetë e përqëndruar në prosperitetin dhe begatinë e banorëve të vendlindjes sime, njëra nga zonat më të spikatura për atdhedashuri, punë dhe përkushtim.

Me konsideratë të lartë
Ramiz Lladrovci

Kliko per me shume info
Kliko per me shume info
Kliko per me shume info
SHARE

1 COMMENT

LEAVE A REPLY

Please enter your comment!
Please enter your name here