Policia serbe pengon ngritjen e flamurit shqiptar në Medvegjë, arrestohen 7 nxënës

shqiptaret-flamuriFesta e Flamurit ditëne djeshme u festua dhe në Preshevë dhe Bujanoc, qytete të banuara me shumicë shqiptare, sikurse dhe në Vlorë, Tiranë, Prishtinë, Ulqin, Shkup e Tetovë. Por në Luginën e Preshevës. Këtij festimi iu nda Medvegjë, ku policia serbe ka ndërhyrë në shkollën e mesme “Nikola Tesla” dhe ka arrestuar disa nxënës shqiptarë të cilin kishin ngritur një flamur kombëtar në shkollë, njofton agjencia e lajmeve “Presheva jonë”. Në mesin e nxënësve të arrestuar ka qenë edhe djali i Zv.kryetarit të Kuvendit të Medvegjës, 15-vjeçari Armend Sahiti. Nxënësit shqiptar janë marrë në pyetje në rajonin e policisë serbe të Medvegjës dhe u janë kërkuar sqarime për ngritjen e flamurit shqiptar në këtë shkollë. “BalkanËeb” ka siguruar edhe një kopje të procesverbalit të firmosur nga 15-vjeçari shqiptar në rajonin e policisë serbe ku ai pranon se e ka ngritur flamurin shqiptar me rastin e festës së Ditës së Flamurit. Ndërkohë prindërit kanë deklaruar për mediat lokale se fëmijët e tyre janë penguar nga ora e mësimit si edhe janë dhunuar gjatë mbajtjes për rreth 2 orë në rajonin e policisë. Ndërhyrja e forcave policore serbe në këtë shkollë të Medvegjës dhe shoqërimi i fëmijëve shqiptarë në rajonin serb të policisë ka shkaktuar panik dhe reagime ndër shqiptarë si dhe tek autoritet lokale në këtë komune. Nënkyretari i Kuvendit të Medvgjës, Florim Sahiti, ashtu edhe zëvëndëskryetarja e Komunës së Medvgjës Leme Xhema, kanë reaguar dhe kanë dënuar me ashpërsi këtë akt të policisë serbe ndaj ndaj fëmijëve shqiptarë për shkak të mbajtjes së simboleve kombëtare shqiptare.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.