Kukës, kalon mallra kontrabandë, arrestohet doganieri i Morinës

4
Kliko per me shume info

kukesArrestohet doganieri i pikës kufitare Morinë në Kukës pasi u akuzua se ka lejuar mallra kontrabandë. Gjithashtu në pranga u vu dhe një shtetas kosovar, pasi gjatë kontrollit të ushtruar në mjetin me të cilin udhëtonte, ju gjetën dhe sekuestruan mallra kontrabandë(këpucë), të cilat i ka kaluar në doganën e Morinës.
Policia tregon identitetin e të arrestuarve:
Saimir Thaçi, 30 vjeç, banues në Krumë-Has, doganier të kontrollit fizik në doganën e Morinës-Kukës, për veprën penale“Kontrabanda nga punonjësit që lidhen me veprimtarinë e doganave”, parashikuar nga neni 175 i Kodit Penal.
Afrim Sopaj, 33 vjeç, banues në Suharekë- Kosovë, për veprën penale ’’Kontrabanda me mallra të tjera’’, parashikuar nga neni 174 i Kodit Penal.
Arrestimi i tyre u krye më 1 nëntor, ndërsa procedimi penal kishte nisur më 29 shtator mbi bazë informacioneve të siguruara me metoda speciale të hetimit.
Njoftimi Policisë:
“Arrestimi i shtetasit Sajmir Thaçi u bë pasi, duke qenë në detyrë nuk ka kryer veprimet doganore ndaj mjetit tip” Golf 4”, me targa 04-583FE, me drejtues shtetasin Afrim Sopaj, i cili transporton mallra kontrabandë”
Arrestimi i shtetasit Afrim Sopaj, u bë pasi mbi bazën e informacioneve të marra në rrugë operative se ky shtetas transportonte mallra kontrabandë u bë e mundur kapja dhe arrestimi i tij ku gjatë kontrollit të ushtruar në mjetin me të cilin udhëtonte, ju gjetën dhe sekuestruan mallra kontrabandë(këpucë), të cilat i ka kaluar në doganën e Morinës”
Njoftohet se materialet për veprime të mëtejshme i kaluan Prokurorisë se Rrethit Gjyqësor Kukës, për veprat penale “Kontrabanda nga punonjësit që lidhen me veprimtarinë e doganave” dhe ’’Kontrabanda me mallra të tjera’’, të parashikuar nga nenet 175 dhe 174 të Kodit Penal.

Kliko per me shume info
Kliko per me shume info

Kliko per me shume info
SHARE

LEAVE A REPLY

Please enter your comment!
Please enter your name here