Fshesë tek Mnachester United, Mourinho shkrin gjithë ekipin

mourinhooJose Mourinho do ta tërheqë zvarrë fshesë në dhomat e zhveshjes së Manchester United. Trajneri portugez, sipas raporteve të disa mediave britanike, dëshiron të ndryshojë fytyrën e “fuqisë punëtore” dhe planet për të larguar pothuajse gjysmën e lojtarëve në dimër. Një formacion (11-she) e plotë, vlera e tregut e të cilit, sipas “transfermarkt.com”, faqe e specializuar në internet, do të jetë 214 milionë euro.

Interesant është fakti se pesë prej këtyre të rrezikuarve arritën në “Old Trafford” sezonin e kaluar, ndërsa një tjetër, Mkhitaryan, erdhi vetëm verën e këtij viti. Në mesin e gjashtë lojtarëve, klubi anglez ka investuar 138 milionë euro. Një shumë e pamundur për t’u shlyer. Ky do të ishte formacioni, të cilin Mourinho do ta largojë nga Manchester United. Janë emra lojtarësh, që me me siguri do të kënaqnin 90 për qind të klubeve në të gjithë Evropën.

SERGIO ROMERO
Ai u afrua nga Van Gaal, si një transferim i lirë, në verën e vitit 2015, nga Sampdoria. Një zëvendësues thjesht luksoz. Klubi shpreson për të shpëtuar Sam Johnstone përsëri, si zëvendësues të De Geas, duke i dhënë kartën argjentinasit Romero.

MATTEO DARMIAN
I ardhur nga Torino, ky lojtar nënshkroi për 18 milionë euro, kosto që përshtatej me futbollin anglez dhe me Van Gaal, por jo Mourinhon. Me portugezin, ai ka një marrëdhënie të tensionuar. Lojtari, i cili mban një pozitë të mirë në Itali, ka shprehur dëshirën e tij për t’u kthyer në shtëpi, në merkaton e dimrit.

PHIL JONES
I konsideruar nga Alex Ferguson një pasardhës i shkëlqyer për të Rio Ferdinand, në vitin 2011, kur Manchester United pagoi për të 20 milionë euro, duke e marrë nga Blackburn Rovers. Lëndimet kanë qenë armiku i tij më i madh në klubin nga “Old Trafford”. Dhe Mourinho e ka ndëshkuar, pasi i duket shumë i butë për të luajtur në qendër dhe shumë i ngadaltë në krahë.

CHRIS SMALLING
Mou duket se “ia ka vënë kryqin”. Marrëdhënia e tyre është shumë e ftohtë dhe trajneri nuk hezitoi të pranojë çdolloj propozimi, që ai të largohet.

DALEY BLIND
Shkëlqeu sa ishte tek Ajax, por nuk është shfaqur si duhet te Manchester United, i cili pagoi për të 18 milionë euro, në verën e vitit 2014. As si mbrojtës qendror, as si mesfushor, holandezi nuk ka ofruar garancitë e pritshme. Me Mourinhon trajner, edhe ai konsiderohet i tepërt te “Djajtë e Kuq”.

MORGAN SCHNEIDERLIN
Për francezin janë paguar te Southampton, në verën e vitit 2015, plot 35 milionë euro. Në “Old Trafford” ka shumë që pyesin veten se çfarë mundi të shohë tek ai Van Gaal, që Mourinho nuk e dallon. Portugezi e ka dënuar me një padukshmëri pothuajse të plotë në Premier League.

BASTIAN SCHWEINSTEIGER
Gjermani e dinte fatin me Mourinhon, që para se “Sepcial One” të vinte këmbët në “Old Trafford”. I dënuar për t’u trajnuar me ekipin rezervë, por nuk lejohet të luajë me të, Schweinsteiger po negocion largimin e tij të menjëhershëm nga “Djajtë e Kuq”, ndërsa duke u përpjekur të transferohet në MLS (SHBA).

ASHLEY YOUNG
Mjaft i shkathtë në të kaluarën, ai është “varrosur” në sytë e trajnerit portugez, i cili në rrethin e tij privat nuk ka hezituar për ta kritikuar ftohtësinë dhe ambicien e paktë të tij. Jo më kot e ka injoruar lojtarin në fjalë për gati një muaj, pa e aktivizuar fare.

HENRIKH MKHITARYAN
Ishte ylll te Borussia Dortmund dhe nënshkroi verën e këtij viti me Manchester United, për rreth 42 milionë euro. Ndikimi i tij në “Old Trafford” ka qenë i pavlefshëm dhe Mou e ka dukshëm jashtë planeve të tij, sikur i thotë merr avionin. Sipas mediave britanike, armeni mund të përfundojë diku tjetër në janar, duke parë gatishmërinë e klubit anglez për ta shitur atë.

MEMPHIS DEPAY
Nëse sulmuesi holandez ka kaluar nëpër probleme me Van Gaal, pritej që kjo situatë të përkeqësohej me të nën urdhërat e Mourinhos. Ai ka luajtur 24 minuta të shpërndara në katër ndeshje të Premier League dhe dëshiron të largohet nga klubi menjëherë, duke pasur parasysh se trajneri portugez e ka turpëruar. Koeman e dëshiron tek Everton, çka do të ishte një rifillim i mirë.

WAYNE ROONEY
Faktet përgënjeshtrojnë fjalët. Mourinho ka mbajtur një fjalim, duke folur për Rooney, por realiteti është se paraqitja e futbollistit në fushë ka shembur besimin e portugezit. Ashtu si Depay, Everton do ta priste me krahë hapur.

Carrick dhe Shaw, raste të veçanta
Michael Carrick, 35 vjeç, ishte fare pranë largimit në verë, por klubi e bindi të rinovojë edhe për një sezon. Manchester United duket se e bëri këtë veprim si shpërblim për 11 sezonet e tij në “Old Trafford”. Luke Shaw, ndërkohë, ka qenë gjithashtu i kritikuar, sa për jetën private, aq edhe publike. Për Mourinhon mbetet një lojtar i vlerësuar, edhe për faktin se Manchester United pagoi gati 38 milionë euro në vitin 2014, kur konsiderohej mbrojtësi i majtë më i mirë britanik.

Kliko per me shume info

Leave a Reply

Your email address will not be published. Required fields are marked *

*

x

Check Also

nico-rosberg

Shokon piloti i njohur: Tërhiqem nga “Formula 1”

Befason Nico Rosberg. Gjermani njoftoi tërheqjen nga Formula 1. Një vendim që ...