Fitorja e Trump, Donald Lu mesazh për shqiptarët: Nuk ndryshojnë marrëdhëniet me Shqipërinë
Zgjedhjet në Amerikë me dy kandidatët, ishin një temë diskutimi dhe në Shqipëri. Kryeministri vendit pati shprehur që në fillime simpatinë ndaj Klintonit. Por, fitorja e Trump-it mund të dukej si një problem për marrëdhënien mes dy shteteve. Nga ky mendim, ka folur Ambasadori i Shteteve të Bashkuara në vendin tonë, Donald Lu. Duke e nisur fjalimin e tij për fitoren e zgjedhjeve, Lu foli dhe për viktimat e përmbytjeve dhe një mesazh për Shqipërinë. “Më lejoni që ta nis fjalimin me lutjet për viktimat e përmbytjeve, gjithashtu më lejoni ta vazhdoj me një rrëfim. Kam disa versione të fjalimit tim, kjo besoj se është një gjë e mrekullueshme për demokracinë, se ajo është e paparashikueshme, emocionuese që e bashkëndajmë si në Amerikë dhe Shqipëri. Nëse hidhni sytë do shihni shumë të rinj në mëngjesin presidencial të Amerikës. Pse të rinjtëve? Sepse ju jeni me të vërtetë e ardhmja e kësaj demokracie. Demokracia është një gjë që na lidh së bashku si amerikanë dhe shqiptarë. Ajo është e rrëmujshme, e ndërlikuar e mbushur me polemika dhe konflikte, por në fund na garanton liritë që i vlerëson kaq shumë”,- tha Lu.
Duke përgëzur Trump për fitoren, Lu tregon se se nuk do të ndryshojnë marrëdhëniet e SHBA-ve me Shqipërinë.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
E ndërsa Amerika kaloi pushtetin në mënyrë paqësore ashtu siç demokracia këshillon, Lu apeloi që edhe politikanët shqiptarë të marrin shembull.
“Këtë mëngjes dëgjuat nga presidenti se cili është përkufizimi i demokracisë: Kalimi paqësor i pushtetit. Ndërsa politika atje i jep fund fushatës, Shqipëria po hyn në të sajën. Teksa ne fillojmë të shërojmë ndarjet partiake, shqiptarët do nisin një debat të gjatë në zgjedhjet e qershorit. Jemi të bindur që do bëni zgjedhje të mençura, i zgjedhuri juaj do vazhdojë të rrokë vlerat demokratike që e lidhin Shqipërinë me Europën dhe SHBA”.