Zbulohen dy futbollistet qe duan rikthimin tek Real Madridi

di mariaAta u larguan dhe duan të kthehen. Kështu bën me dije sot prestigjiozja spanjolle, “Marca”, referuar situatës në të cilën gjenden Mesut Ozil dhe Angel Di Maria.

Ata nuk gjejnë në ekipet e tyre përkatëse çka kishin te Real Madridi. Mesut Ozil dhe Angel di Maria janë dy lojtarët, që ishin të rëndësishëm në klubin e bardhë dhe pas pak vitesh insistojnë për një rikthim më të komplikuar. Ose, ata janë të etur për të luajtur sërish në radhët e Real Madridit, të jetojnë në kryeqytetin e Spanjës. Kur ikën, në atë kohë, dy lojtarët në fjalë i dhanë përparësi kalimit te Manchester United dhe Arsenali, duke besuar në mirëqenien e tyre. Özil është në procesin e rinovimit të kontratës me Arsenalin. Ai arriti në mbyllje të merkatos së vitit 2013 te “topçinjtë e Londrës”, në shkëmbim të 45 milionë eurove. Edhe pse ka qenë një lojtar i rëndësishëm për Wenger, nuk e ka arritur nivelin e tij, të shfaqur gjatë kohës si lojtar i Real Madridit. Po negocion, por nuk e mbyll marrëveshjen për zgjatjen e kontratës, që e lidh atë me Arsenalin deri në vitin 2018. Manchester United i Mourinhos është fokusuar tashmë në lëvizjet që po ndodhin rreth lojtarit gjerman. Nuk është se flasim për 15 milionë euro në sezon, por e vërteta është se dëshira e “playmaker”-it është vetëm kthimi në “Bernabeu”, madje ka komunikuar me pjesëtarë të “los blancos” për këtë. Sergio Ramos është aleat i madh dhe mik i Mesut Ozil. Kapiteni do të donte ta kishte në skuadrën e tij, përsëri, lojtarin aktual të Arsenalit. Në fakt, largimi i tij ishte disi i traumatik për të menduar një rikthim në ish-shtëpinë madrilene. Ai iku ditën e fundit e merkatos, duke mos rezistuar para ofertës së rëndësishme që bëri Arsenali, ndaj kthimi i tij mund të jetë jo pak i komplikuar. Në rastin e Di Maria situata është ndryshe, por pikënisja e ngjashme. Si gjermani, edhe mesfushori argjentinas ishte transferimi më i shtrenjtë në historinë e Real Madridit (në dalje). Di Maria iu bashkua “djajve të kuq” për rreth 75 milionë euro. Argjentinasi nuk është në një proces rinovimi. Ai arriti një sezon e gjysmë më përpara te PSG dhe askush nuk flet për kontratë të re me të. Di Maria nuk është përshtatur me lojën e ekipit francez dhe mallëngjehet për Real Madridin. Destinacioni i tij i parë ishte Manchester United, por një vit më vonë u transferua në ekipin francez. Di Maria dëshiron të kthehet dhe këtë gjë e dinë liderët e Real Madridit. Ama, kritikat e hedhura nga babai i lojtarit ndaj udhëheqësve të “los blancos” duket të jenë një pengesë të pakapërcyeshme në një operacion hipotetik të rikthimit.

Kliko per me shume info

Leave a Reply

Your email address will not be published. Required fields are marked *

*

x

Check Also

armando-sadiku

Sulmuesi i kombëtares rikthehet pas tre muajsh tek goli

Pas tre muajsh larg te shenuarit, Armando Sadiku rikthehet tek goli në ...