Arrestimet e opozitarëve, nisin trazirat në Stamboll

stambollPolicia turke ka përdorur pompa uji dhe gaz lotësjellës për të përçarë turmën e protestuesve në Stamboll, kundër arrestimit të liderëve të partisë pro-kurde HDP.

Manifestuesit u mblodhën jashtë një xhamie në lagjen Sisli, duke ngritur parrulla kundër atij që e quajtën “shtet fashist”, përpara se të sulmoheshin me pompat me ujë të ftohtë të autoblindave të policisë.

Nëntë eksponentë të HDP-së, përfshirë bashkëkryetarët, u arrestuan dhe u burgosën ditën e premte. Gazetarë nga gazeta pro-opozitës “Cumhuriyet” ndodhen gjithashtu në qeli.

Nëntë prej tyre u arrestuan të shtunën dhe një gjykatë në Stamboll i dërgoi në paraburgim. Redaktori i “Cumhuriyet”, një karikaturist i njohur dhe një analist anti-qeveritar janë mes të arrestuarve.

Gazeta në fjalë është një nga të paktat media turke që vazhdojnë të jenë kritike ndaj Erdogan. Bëhet fjalë për lëvizjet e fundit kundër kritikëve të presidentit Erdogan që nga grushti i dështuar i shtetit i organizuar në korrik.

Pas 9 anëtarëve të partisë kurde të arrestuar të premten, 9 të tjerë iu shtuan listës këtë të shtunë./tch

Kliko per me shume info

Leave a Reply

Your email address will not be published. Required fields are marked *

*

x

Check Also

raketa

Ukraina nis provat raketore

Ukraina ka nisur provat raketore në Detin e Zi, derisa Rusia ka ...