Zbulohen varre masive në oborrin e shtëpisë së Ali Ahmetit

varre-ali-ahmetiNë fshatin Zajaz të Kërçovës, në oborrin e shtëpisë së kryetarit të Bashkimit Demokratik për Integrim, Ali Ahmeti, është zbuluar një, siç cilësohet, varrezë masive me mbetje mortore.

Zhvarrosja e tyre ka filluar, deri sa janë nxjerrë disa prej eshtrave të gjetura të cilat do të dërgohen për ekspertizë të mëtejshme në institutin e mjekësisë ligjore.

Kliko per me shume info

Musli Musliu, ish kryetar i Komunës së Zajazit, ka thënë se “dyshimet e para tregojnë se bëhet fjalë për kafkat dhe pjesët mortore të 14 deri në 60 viktima të Zajazit dhe rrethinës së saj, të cilat në bazë të ekspertizave paraprake, pas vrasjes janë djegur”.

Të afërmit e Kryetarit të BDI-së, Ali Ahmeti, thonë se “dyshimet për ekzistimin e një varri masiv kanë ekzistuar që moti, por nuk e kanë ditur vendndodhjen e tyre të saktë”.

Një varrezë masive kohë më parë u zbulua gjithashtu afër Kërçovës, në një shpellë afër vendit të quajtur Dardhë. Një ekip ekspertësh zbuloi më shumë kafka dhe mbetje mortore. Dyshohet se mbetjet mortore janë të vjetra mbi 5 dekada.(REL)

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.