Humbja e tretë për kombëtaren e 17-vjeçarëve, na mund edhe Maqedonia

kombetarja-u17Pretendonim kalimin e grupit, por në fund nuk arritëm të merrnim asnjë pikë, duke u larguar nga kualifikueset e Kampionatit Europian për moshat deri në 17 vjeç me tre humbje.

Kombëtarja shqiptare e 17-vjeçarëve është mposhtur edhe nga Maqedonia, këtë herë me rezultatin 2-1.

Pjesa e parë e ndeshjes u mbyll me rrjeta të paprekura, ndërsa 45 minutat e dyta, kombëtarja shqiptare i nisi mirë duke gjetur golin në minutën e 52 me anë të Bullarit. Por ky avantazh ka zgjatur vetëm 2 minuta pasi maqedonasit barazojnë me Kolevskin.

Vetëm 10 minuta më pas, shënon një tjetër shqiptar, Ferati, por që në këtë ndeshje mbante veshur fanellën e Maqedonisë. Rezultati 2-1 mbeti i pandryshuar deri në fundin e takimit, megjithëse të besuarit e trajnerit Mustedanagic u hodhën në sulm për të gjetur barazim.

Në tre ndeshje, me Italinë, Serbinë dhe e fundit me Maqedoninë, kombëtarja ynë e 17 vjeçarëve regjistroi 3 humbje, duke zënë vendin e fundit në renditje të këtyre eliminatoreve.

Kliko per me shume info Kliko per me shume info

Leave a Reply

Your email address will not be published. Required fields are marked *

*

x

Check Also

Reali i dyti në grup, Dortmund merr barazim në “Bernabeu”

Një gol në minutën e 88 nga Reus në “Bernabeu” ka bërë ...