"Beteja" për Topin e Artë, ja kush janë 3 favoritët kryesorë
Gara për “Topin e Artë” po bëhet akoma më interesante, pasi favoritët kryesorë janë bërë edhe publike. Mes Kristiano Ronaldos dhe Antoine Griezman është futur edhe ylli i Barcelonës Lionel Mesi.
Portugezi është fitues i Ligës së Kampionëve dhe evropianit të Francës, ndërsa Griezmann është finalist në këto 2 aktivitete, por në “Euro 2016” ai u shpall lojtari më i mirë i turneut.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Betejës mes lojtarëve kryesorë të dy klubeve madrilene Real dhe Atletiko, i shtohet edhe Lionel Messi, i cili ka në favor statistikat.
Në sezonin 2015/2016, Messi arriti të fitojë Superkupën Evropiane dhe Botërorin e klubeve, Ligën Spanjolle dhe Kupën e Mbretit, ndërsa me Argjentinën ai ishte finalist i Copa America.
Edhe pse u shoqërua me probleme fizike, Mesi është futbollisti që ka shënuar më shumë gola gjatë këtij viti, 47, 2 më shumë se Luis Suarez dhe 6 më shumë se Ronaldo.
Tani pritet se kush do të jetë fituesi i radhës për “Topin e Artë”, a do të ndryshoj dhe emri i lojtarit me ndryshimin e organizatorëve, apo do të jenë të përsëri të përhershmit “CR7” dhe Leo.