Njihuni me shqiptarin hero që shpëtoi SHBA-në nga tragjedia e terrorizmit!

Aktualitet

sulmi-shbaArian Prevalla luftoi në ajër për kontrollin e avionit me studentin nga Jordania dhe i mbijetoi rrëzimit

FBI është duke hetuar një rast të mundshëm terrorizmi në East Hartford, Connecticut, ku një avion i vogël u rrëzua të martën pasdite afër një uzine me rëndësi të madhe ushtarake.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në pamje të parë dukej si një aksident, por një nga dy drejtuesit e avionit të rrëzuar, që arriti të mbijetojë ka thënë se rrëzimi kishte qenë i qëllimshëm.

Arian Prevalla, shqiptaro-amerikani, që drejton një shkollë të pilotimit, në SHBA, luftoi për të marrë në dorë kontrollin e avionit, kur student i tij me origjinë nga Jordania, refuzoi në mes të fluturimit që të ndiqte itenerarin e planifikuar.

Avioni u rrëzua pranë Uzinës “Pratt & whitney” që prodhon motorë avionësh, disa prej të cilëve për ushtrinë amerikane. Siç bën të ditur gazeta shqiptaro-amerikane, “Illyria”, në New York, Uzina numërohet si një pikë me rëndësi strategjike për sigurinë kombëtare amerikane.

Afërsia me uzinën nxiti menjëherë interesin e FBI-së, ndërsa tregimi i instruktorit shqiptar ka sjellë fillimin e një hetimi urgjent. Agjentët federal kanë kontrolluar apartamentin në Illinois, të studentit jordanez, po nuk kanë bërë ndonjë njoftim deri tani.

Avioni goditi një nga shtyllat dhe telat e elektrikut duke marrë flakë. Nga rrëzimi mbeti i vdekur student 28-vjeçar. Për shkak të përplasjes, një pjesë e zonës përreth humbi furnizimin me rrymë.

Guvernatori Dannel P. Malloy ka paralajmëruar që publiku të mos hidhet në përfundime pa mbaruar hetimi për incidentin.

Prevalla, i cili e ka hapur shkollën e pilotimit, në 2006, në Hartford, Connecticut, është edhe President i Akademisë Amerikane të Fluturimit.

Ai ka marrë plagë të mëdha djegieje por besohet se është jashtë rrezikut për jetën.

ME TE LEXUARAT