Përgjimet e drogës në Vlorë, oficeri i policisë garant i trafikanteve

Kliko per me shume info

kanabisi-vloreProkuroria për Krimet e Rënda kishte nisur hetimin për parcelat e shkatërruara me kanabis në fshatrat Vezhdanishte dhe Treblove të Vlorës prej të paktën dy muajsh.

Përgjimet e anëtarëve të grupit kriminal e vërtetojnë këto. Ato kanë zbardhur edhe rolet e secilit prej anëtarëve. Oficeri i policisë, Renaldo Avduli, i shpallur në kërkim, mbante kontakte të vazhdueshme me një prej drejtuesve të grupit, Taulant Haxhiraj.

Kliko per me shume info

Në 21 korrik në afërsi të parcelave janë dëgjuar të shtëna me arme dhe Haxhiraj ka telefonuar oficerin e policisë dhe i kërkonte të dinte se çfarë duan policët në zonë. Avduli e siguron se nuk ishin punonjës të policisë.

Fundi i korrikut ishte intensive për trafikantët pasi kanabisi po behej gati për t’u tharë dhe duhet të shitej. Një ditë më vonë ai i shpreh shqetësimin se droga duhej shitur, sepse çmimi po binte.

“Po se vajti vone, vajti me 300 për kokë të fëmijëve, do vej akoma, të paktën ta mbyll tani se aq ka vajt, më tha edhe Ani mua, 300 lekë, 300 euro e ke parasysh ku e kam”, thotë ai në telefonatë.

Më 24 korrik në komunikimin mes tyre, Haxhiraj e njofton oficerin e policisë se si kishte vajtur takimi me blerësit e kanabisit, por i ankohet se droga nuk ishte e mirë dhe se duhet hequr e gjithë sasia që kishin bërë gati për treg.

“Po nuk tërheq fare makina, po çfarë është kjo kështu po kjo ashtu. Duhet të mbarojmë punë shpejt, nuk duron, nuk duhet të rrijë”, shprehet ai.

Ndërsa polici e pyet nëse fillon të prishet dhe e qetëson duke i thënë të mos bëhej merak edhe nëse ata e kthenin pas kanabisin.

Në përgjime rezulton se polici Renaldo Avduli interesohet edhe për lekët. “S’e harrova fare unë, po për lekët ju the atyre ti?” shprehet ai në telefonatën me Haxhiraj.

Në 25 qershor Haxhiraj ka komunikuar me një një tjetër person, me të cilin diskuton për ta trafikuar jashtë vendit të gjithë drogën e prodhuar.

Prokuroria e Krimeve të Rënda, në bashkëpunim me forcat e ndërhyrjes së shpejtë të Tiranës dhe Fierit, sekuestruan në operacionin e datës 4 tetor mbi 7 mijë rrënjë kanabis, 5 mijë prej të cilave ishin duke u tharë. 6 persona u arrestuan, ndërsa oficeri i policisë është ende në kërkim.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.