U lidh me litar për t’i tërhequr vëmendjen burrit, lirohet 29-vjeçarja nga Ndroqi

Aktualitet

gruaja-grabitjeËshtë liruar me urdhër të prokurorit Dalina Azuni, e akuzuar për kallëzim të rremë. 29-vjeçarja banuese në Pinet të Ndroqit, u arrestuar nga komisariati nr. 6 i kryeqytetit pasi sajoi një grabitje, duke u vetëlidhur në banesën e saj.

Ajo ndodhej vetëm në banesë kur ka lajmëruar të afërmit dhe policinë në numrin e emergjencave 112, se një person kishte hyrë në shtëpi dhe kishte arritur të merrte prej andej shumën pre 65 mijë lekësh, shkruan Top-Channel. Pas hetimeve paraprake, kontrolleve të ushtruara dhe dyshimit mbi dëshminë e gruas, policia gjeti shumën e parave të fshehura në një dhomë tjetër të banesës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në deklarimet e para dhënë para hetuesve, Dalina Azuni ka pranuar se i ka bërë këto veprime vetëm për të tërhequr vëmendjen e të shoqit, pasi kishte vënë re që kohët e fundit nuk kishin komunikim, por vetëm mosmarrëveshje mes tyre. 29-vjeçarja tashmë akuzohet për kallëzim të rremë dhe njoftim i rremë në organet e rendit publik.

ME TE LEXUARAT