Intervista në median greke, ja akuza që pranon “Eskobari” Klement Balili

klement-baliliI ashtuquajturi “Escobari i Ballkanit”, Klement Balili ka thyer më në fund heshtjen, duke akuzuar ish-kryeministrin Sali Berisha se qëndron pas sulmeve ndaj tij. Balili megjithate ka pranuar vetem nje element, se ka nje telefonate te kryer prej tij me nje shtetas te implikuar ne trafik droge. Por balili thote “ku ta dija une” dhe se telefonata eshte bere per nje ceshtje tjeter pa lidhje me drogen.

Duke folur për gazetën “Ethnos” me anë të avokatit të tij grek, Balili thotë se akuzat ndaj tij janë me prapavijë politike. Ai akuzon policinë greke, e cila – sipas tij, – ka fabrikuar akuzat, të cilat e implikojnë në transportin e 750 kilogramëve kanabis, të kapura në një gomone në ishullin e Zakynthos; 1.5 tonë kanabis të kapura në një magazinë në Aspropirgo të Athinës; si dhe një tjetër ngarkesë prej 1.6 tonë kanabis të sekuestruara pak ditë më parë pranë Athinës.

Sipas Balilit, e gjitha kjo është produkt i urrejtjes së Sali Berishës ndaj tij dhe familjes. Balili thotë se Berisha e ka bërë këtë për të sulmuar nipin e tij, i cili është avokat i njohur dhe anëtar i rëndësishëm i partisë në pushtet, në Jug të vendit.

Ai thotë se, me këtë mënyrë po sulmohet edhe qeveria “Rama”, që i ka hapur luftë krimit dhe po e lufton atë, sikundër nuk ndodhte gjatë kohës që vendin e qeveriste Berisha. “Nëse do të kishte qoftë edhe një provë kundër meje, asgjë s’do të më shpëtonte”, thotë Balili.

“Si mundet të më akuzojnë mua, madje të nxjerrin edhe një urdhër arresti pa dërguar asnjë të dhënë, asnjë provë në adresën time? Unë kam marrë në dorë dosjen e akuzave të mia në Greqi, e kam përkthyer vet atë dhe atje s’ka asnjë akuzë të provuar ndaj meje”, thotë Balili.

“Në dosje është vetëm një telefonatë për një çështje tjetër dhe jo për drogë, me njërin prej të implikuarve në veprimtari të paligjishme, po ku ta dija unë se personi me të cilin komunikova në telefon ishte i implikuar në trafik?”, pyet ai.

Balili hedh po ashtu dyshime edhe për arsyet e mostransferimit të dosjes së tij në Tiranë, nga ku duhet të vendosej nëse ai duhet ekstraduar në Greqi.

Kliko per me shume info

Leave a Reply

Your email address will not be published. Required fields are marked *

*

x

Check Also

kapet-shqiptari

Kapet kapobanda shqiptar i malavitës në Lombardi, i arratisur 2 herë nga burgu

Pa kaluar nje javë pas kapjes së një sasie masive prej 325 ...