Jeta përrallore me drogë e prostitucion e “kamikazit”, i çoi 1 mln euro të dashurës

Kliko per me shume info

dashnor-sukth1Dashnor Deliallisi, 36-vjeçari që shkaktoi aksidentin tragjik në autostradën Tiranë-Durrës dy ditë më parë, rezulton person me precedent penal dhe mbahej nën vëzhgim nga policia.

Deliallisi ka qenë i dënuar në vitin 2011 për tentativë vrasje, ndërsa kishte dyshime se merrej me shfrytëzim prostitucioni dhe trafik droge në Belgjikë.

Kliko per me shume info

Pikërisht nga ky shtet, dy vite më parë 36-vjeçari i dërgoi të dashurës së tij me iniciale R.K një shumë parash prej 1 milionë Euro përmes transaksioneve bankare, shkruan gazeta ‘Panorama’.

Kjo shumë e madhe parash dhe fakti që e dashura e tij ishte e papunë, bëri që Prokuroria të dyshonte dhe vitin e kaluar i bllokoi 850 mijë Euro të kësaj shume. Autoritetet hetonin burimin e këtyre parave, ndërsa Deliallisi ka qenë nën vëzhgimin e policisë.

Nga hetimet që zhvilloi organi i akuzës, Deliallisi dhe e dashura e tij nuk ishin vetëm bashkëjetues, por edhe bashkëpunëtor në aktivitetet kriminale në Belgjikë, pasi të dy ishin pjesë e një organizate kriminale. Paratë e pista të dy i pastronin në Shqipëri, dhe kjo është konfirmuar nga sekuestrimi i 850 mijë Euro vitin e kaluar. Ndërsa pjesa tjetër e parave, rezulton që e dashura e tij t’i ketë tërhequr përmes një mikut të saj.

36-vjeçari Deliallisi mbeti i vdekur në aksidentin tragjik të dy ditëve më parë, duke lënë të vdekur edhe tre vajza të tjera që udhëtonin në makinën tjetër që u përplas nga automjeti i Deliallisit.

SHARE

LEAVE A REPLY

Please enter your comment!
Please enter your name here