Deputetja e larguar i përgjigjet Ramës: Përsheshi yt është kanabisi, i imi është dija!

blushi-hafiziDeputetja e larguar nga Partia Socialiste, Mimoza Hafizi, tashmë pjesë e partisë së re të Ben Blushit, i është përgjigjur deklaratës së kryeministrit Rama, i cili tha se deputetja tani të hajë përsheshin e Blushit.

Nga foltorja e kuvendit ashtu siç kishte premtuar, Hafizi i tha Ramës se qeveria nuk e do dijen, dhe jo më kot Shqipëria po rend në rrugën e frikshme të kanabisit.

Deklarata e Hafizit:

Kam një debat me kryeministrin. Dua t’i them që unë jam një njeri i librave zoti Kryeministër.

Shkruaj për atomet e elektronet dhe universin pa fund që i mbushin shpirtin dhe u hapin mendjen studentëve dhe lexuesve të apasionuar.

Ju këtë e përçmoni, e quani të pavlerë. Nuk e doni dijen, nuk e besoni si çelësi i zhvillimit, jo më kot Shqipëria po rend në rrugën e frikshme të kanabisit. Një qeverisje në dashuri me dijen nuk do ta lejonte.

Dija ime, ose përsheshi im, dhe kanabisi, që ka gjetur shesh për përshesh në qeverisjen tënde kryeministër e kanë diçka të përbashkët. Të dy e ngrenë njeriun në qiellin e lumturisë. I japin krahë të fluturojë. Por dija, përsheshi im është fluturim i sigurt. I gjatë sa një jetë njeriu.

Me dijen nuk rrëzohesh asnjëherë ndërsa kanabisi, përshesh yt, i trullos për pak çaste, krijon iluzione kalimtare dhe të përplas mbrapsht në botën e errët të krimit, në mjerim dëshpërim.

Unë zgjidh ekuacione matematike zoti Rama, për t’i dhënë përgjigje me aq sa mundem ndonjë problemi të botës së madhe të shkencës.

Kliko per me shume info

Leave a Reply

Your email address will not be published. Required fields are marked *

*

x

Check Also

samaras

Samaras: Greqia është aq dobët sa edhe Edi Rama po e sfidon!

Ish-kryeministri grek Antonis Samaras, në një intervistë për gazetën “Vradini”, pavarësisht se ...