Të shtëna me armë zjarri në lokal, procedohen pronari e dy policë burgjesh

Kliko per me shume info

Drejtoria e Përgjithshme e Burgjeve bën me dije, se ka larguar nga puna dy punonjësit e rolit bazë të regjimit të brendshëm në I.E.V.P “Jordan Misja” Hamza Agaçi dhe Adrian Gjonaj, pas ngjarjes së ndodhur më datë 04.07.2016, pasi ishin në gjendje të dehur dhe kanë qëlluar në ajër me pistoletë.

policia-tiraneDy efektiva te policise se burgjeve jane proceduar penalisht nga ana e policise se Tiranes bashke me pronarin e nje lokali ne kryeqytet, pasi aty ka pasur te shtena me arme.

Kliko per me shume info

Burimet zyrtare informuan se më datë 05.07.2016, Specialistët për Hetimin e Krimit të Komisariatit të Policisë Nr 4, ndaluan shtetasin, Ardi Ajdini, 21 vjeç, banues në Tiranë.
Policia tha se gjithashtu u proçeduan penalisht në gjendje të lirë shtetasit:

-Hamza Agaci, 43 vjeç, banues në Tiranë, me detyrë polic burgjesh.

-Adrian Gjonaj, 42 vjeç, banues në Tiranë, me detyrë polic burgjesh.

-Xh Picalli, 18 vjeç, banues në Tiranë.

Hetimi ndaj tyre ka nisur pasi rreth orës 01:20, të datës 05.07.2016, tek nr 112 ka ardhur një njoftim se tek një lokal në zonën e Priskës, ka të shtëna me armë zjarri.

Menjëherë në adresën e dhënë kanë shkuar shërbimet e Komisariatit të Policisë Nr 4 të cilët në vendin e ngjarjes kanë gjetur 3 gëzhoja të kalibrit 9 mm, me mbishkrimin “Luger”, të cilat janë sekuestruar në cilësinë e provës materiale.

Shtetasi Ardi Ajdini i cili është dhe pronari i lokalit është arrestuar në flagrancë për veprën penale “Moskallëzim krimi” dhe “Prishje e qetësisë publike”, pasi ky shtetas ka pretenduar që nuk ka patur të shtëna me armë zjarri por kanë qënë fishekëzajrrë.

Shtetasit Hamza Agaci dhe Adrian Gjonaj të cilët janë punonjës policie pranë burgut 313, nuk kanë dhënë informacion mbi ngjarjen e ndodhur, të cilët do të ndiqen në gjendje të lirë për veprën penale “Moskallëzim krimi”.

Në momentin e shoqërimit këta dy shtetas kanë patur edhe armët e shërbimit me vete (pistoleta të tipit “TT”), të cilat janë sekuestruar dhe janë dërguar për egzaminim në laborator, por nga kqyrja paraprake gëzhojat që u gjetën dhe u sekuestruan nuk përputhen vizulalisht me fishekët që qiten nga pistoleta e tipit “TT”.

Shtetasi Xhesajn Picalli, kamarjer i lokalit do të ndiqet gjithashtu penalisht, në gjendje të lirë për veprën penale “Moskallezim krimi”.

Materialet proceduriale do t’i kalojnë Prokurorisë pranë Gjykatës së Shkallës së Parë Tiranë për veprat penale “Moskallëzim krimi”, “Prishje e qetësisë publike” dhe “Prodhimi dhe mbajtja pa leje e armëve luftarake dhe municionit”, parashikuar nga Nenet 300, 274 dhe 278 të Kodit Penal.

Kliko per me shume info
SHARE

LEAVE A REPLY

Please enter your comment!
Please enter your name here