I mbyllur përjetë në një dhomë me Bashën? Ja si përgjigjet Edi Rama

Kliko per me shume info

basha-ramaKryeministri Edi Rama i është përgjigjur ambasadorit amerikan, Donald Lu, në një takim që ka zhvilluar me studentët e Shkollës Magjistraturës, të cilët i kishte ftuar për të folur për reformën në drejtësi.

Rama tha se e mirëkupton diplomatin e SHBA, por nuk sheh asnjë mundësi që të bind Lulzim Bashën që procesi i vetingut duhet bërë sipas variantit të dakortësuar me ShBA dhe BE.

Kliko per me shume info

Deklarata e kryeministrit Edi Rama

Së pari unë ia kam bërë ftesën Lulzim Bashës, duke i kërkuar që të takohemi sy më sy, si dy shqiptarë që sot janë kryetarë partish dhe kanë në dorë një gjë shumë të rëndësishme, ndërsa nesër do të jemi si gjithë të tjerët. Ftesa është e hapur dhe qëndron. Sot unë kam përsëritur propozimin tim dhe nuk kam thënë që ne i braktisim negociatat, siç tha ambasadori, i cili shtoi se ishte lodhur nga e gjithë kjo punë dhe pa faj, por kam thënë se nuk rrimë më në negociata absurde me një propozim në tavolinë, që Shtetet e Bashkuara kanë thënë se nuk e pranojnë. Por nëse ka një propozim që është i pranueshëm për SHBA-BE, për ne nuk ka asnjë problem. Ne do të pranojmë dhe do të miratojmë ekzaktësisht siç e kërkon PD-ja, por nuk negociojmë dot një propozim që SHBA-BE thotë se nuk bën. Ai thotë që e kam në tavolinë. Tani ta vëmë këtë propozim në tavolinë dhe të mbyllemi përjetë me Lul Bashën në një dhomë? Nuk e di çfarë del ditën që do të dalim të marrim ajër, por konsensus nuk ka për të dalë
Edhe ajo fjala përjetë e ambasadorit duhet marrë me rezerva, sepse ai flet shqip por mendon anglisht. Megjithatë, edhe sikur të ishte një kërkesë e SHBA-ve, këtë nuk e pranoj dot që të mbyllem përjetë me Bashën në një dhomë? Ruajna Zot! Nuk e di çfarë do të ishte… Pastaj të mbash Bashën përjetë brenda dhe të lësh Saliun jashtë, çfarë konsensusi mund të bësh? Të paktën ai duhet të hyjë e të dalë, sepse duhet të merret vesh me Saliun. Nejse, kjo është shaka, por gjysmë e së vërtetës. Shaka është, kështu që Sali mos u shqetëso! Mos u shqetëso se ti je aty në kullë rehat. Thua nuk ka konsensus, ik përballohu vetë, bëj si të duash. Kjo është prova jote e zjarrit. O me mua, o me reformën.

Kliko per me shume info
SHARE

LEAVE A REPLY

Please enter your comment!
Please enter your name here