Pensionistët e vdekur morën nga shteti mbi 800 mijë euro

Kliko per me shume info

bankomatMbi 800 mijë euro te buxhetit të Kosovës kanë shkuar për njerzit që nuk jetojnë më. Këto para kanë shkuar në llogaritë e pensionistve te Kosovës ani pse ata nuk jane gjallë.

Ministri i Punës dhe Mirëqenies Sociale, Arban Abrashi, po e rrezikon buxhetin e shtetit, me dallaveret e shumta të tij. Përkundër ligjit i cili thotë se pensionet duhet të ndalen pas vdekjës së përfituesit, të gjeturat e auditorit tregojnë se 801 mijë e 723 euro, është vlera e pensioneve të cilat janë paguar pas vdekjës nga MPMS.

Kliko per me shume info

Prej tyre, 199 mijë e 194 euro ishin paguar në vitin 2015 për përfituesit që kishin vdekur në 2014- tën e më herët. Në mesin e këtyre pagesave, kishte raste kur pensionet ishin paguar deri në 11 muaj pas vdekjes së përfituesve, transmeton Gazeta Fjala.

Vetëm pensionet kontributdhënëse për të vdekurit kapin shifrën e 204 mijë e 975 eurove, derisa 223 mijë e 725 euro ka qenë vlera e shfrytëzimit të pensioneve nga familjarët e personave me aftësi të kufizuara.

Edhe familjarët e Trupave Mbrojtëse të Kosovës, duket se nuk e kanë pasur fort problem të shfrytëzojnë pensionet e familjarëve të tyre të vdekur. 5 mijë e 975 euro, ka qenë shuma e cila është dhënë nga MPMS për familjet e tyre.

44 mijë e 385 euro, janë shfrytëzuar nga familjarët e personave të verbër përkundër vdekjës së përfituesve të pensionit.

Ndërkaq 9 mijë e 805 euro, janë dhënë në shfrytëzim nga ministria e Abrashit, për familjarët e pensionistëve të Trepçës.

Hajrin pensioneve të vdekurëve, duket t’ia kenë parë edhe pjestarët e Forcës së Sigurisë së Kosovës. 1 mijë e 487 euro, ka qenë shuma e kundërligjshme e derdhur në buxhetin e familjarëve të tyre. Derisa kështu dallavere duket se bëhen edhe me përfituesit e asistencave sociale. 8 mijë e 129 euro, ka qenë shuma e pensionit cila është marrë nga familjarët, përkundër se pensionisti që i takon e drejta për pension ka vdekur.

Se ministria që e udhëheq Abrashi po e rrezikon buxhetin e shtetit, mendon edhe ZAP.

“Mbetja e personave të vdekur në listat e pagesave të pensioneve, rezulton me pagesa të parregullta, dhe me dëmtim të buxhetit”, thuhet në raportin e auditorit.

Ndonëse, Abrashi nuk po mundet t’u siguroj punë, kosovarëve të shumtë që trokasin ç’do ditë në dyert e zyrës së tij, ministri si duket po ka buxhet të mjaftueshëm për të paguar personat e vdekur, shkruan Gazeta Fjala.

Kjo është vetëm njëra ndër shkeljet që auditori ka gjetur në Ministrinë e drejtuar nga Arban Abrashi. Edhe pse në udhëzimin administrativ të Ministrisë së Punës dhe Mirëqeniës Sociale, thuhet se: “Pensionistët obligohen që ç’do gjashtë muaj të lajmërohen në departamentet e pensionistëve për ta vërtetuar nëse janë gjallë. Në rast të moslajmërimit pensionet ndalen edhe nëse pensionistët mund të mos kenë vdekur”

Kliko per me shume info
SHARE

LEAVE A REPLY

Please enter your comment!
Please enter your name here