Edi Paloka: Grabitja në Rinas, në Shqipëri ka rënë rendi dhe siguria

Kliko per me shume info

palokaaaNënkryetari i Partisë Demokratike, Edi Paloka ka folur në një deklaratë për mediat në lidhje me grabitjen e djeshme në aeroportin e Rinasit.

Ai tha se ,“ngjarja e djeshme në Rinas është dëshmi e shkallmimit të çdo standardi sigurie në vend dhe konfirmim se Shqipëria dhe shqiptarët janë më të ekspozuar se kurrë dhe më të pambrojtur se asnjëherë më parë nga krimi dhe pasojat e tij”.

Kliko per me shume info

“Kjo ka ardhur nga lehtësia që krimi ka për të shkelur edhe në vende e territore që duhet të ishin të paprekshme. Kur Edi Rama, Saimir Tahiri e kupola e tyre drejtuese në Policinë e Shtetit marrin e japin me banditë, trafikantë, gjobëvënës e vrasës prej tre vitesh, sigurisht krimi rritet dhe fiton ato përmasa si me grabitjen e djeshme, ku persona të armatosur e me maska shkuan deri tek shkallët e avionit dhe morën me dhunë miliona euro”, ka thënë Paloka.

Sipas tij, “një gjë është e qartë dhe e kuptueshme për çdo shqiptar sot: pa dorën, pa bashkëpunimin e një shefi të madh, asnjë grabitës s’do të mund të bënte atë që bëri dje”.

“Kjo e shumëfishon alarmin për gjendjen e rendit dhe sigurisë. Gjendja është katastrofike. Pak kohë më parë, pikërisht afër Rinasit u grabitën 3 milionë euro dhe ende s’ka autor. Në qendër të Tiranës, pranë stacionit të trenit u grabitën me armë e me maska miliona euro. Shqipëria është mbuluar nga kanabisi dhe kumbarët e drogës gjenden pranë Tahirit. Bandat po rrisin sundimin, ndërkohë që banda e bandave në qeveri numëron paratë e krimit dhe trafikut. Skafet me drogë nuk ndalen, bashkë me to dhe trafiku i armëve që po alarmon Europën”, ka vijuar Paloka.

Kjo grabitje ndodh në një kohë kur pretendohej se ishin marrë masa, pasi alarmi i terrorizmit ka arritur kulmet e veta, kur të gjitha shtetet kanë marrë masa mbrojtëse, ndërsa në vendin tonë, në kontrast të plotë, ka rënë çdo standard i sigurisë.

“Është e kotë të shpresosh sot që dikush nga klani Rama-Tahiri të mbajë përgjegjësi për ngjarjen, pasi kjo dyshe është zhveshur tashmë nga çdo normë e ndërgjegje morale. Asnjë fjalë skanë thënë as njëri e as tjetri, edhe pse ka rënë në tokë çdo standard i sigurisë publike dhe i sigurisë kombëtare”, ka thënë Paloka.

Në emër të PD, ai ka kërkuar që ligji të funksionojë dhe që përgjegjësitë të nxirren të gjitha, “nga i pari tek i fundit”.

“Ndaj, Partia Demokratike i kërkon Prokurorit të Përgjithshëm të kryejë një hetim të shpejtë e të plotë pasi është cënuar rëndë siguria kombëtare e vendit. Partia Demokratike i kërkon Presidentit të Republikës të mbledhë Këshillin e Sigurisë Kombëtare e të bëhet çdo analizë e të dalë çdo përgjegjësi për këtë krim të rëndë, që e ka nxjerrë vendin tonë të rrezikuar e të pasigurtë, pikërisht në kohën e kërcënimeve të mëdha të terrorizmit”, ka shtuar Paloka.

Kliko per me shume info
SHARE

LEAVE A REPLY

Please enter your comment!
Please enter your name here