Vrau për një gotë raki në 1994, prokuroria kërkon 18 vite burg për autorin

Kliko per me shume info

policia-3Prokuroria e Matit kërkon 18 vjet burgim për autorin e dyshuar të një vrasjeje të ndodhur në vitin 1996 në fshatin Dukagjin të Burrelit. Pas një procesi gjyqësor që ka zgjatur për shumë vite, prokuroria kërkon dënimin e shtetasit Qamil Pepmarku, i akuzuar për “vrasje me dashje” në dëm të shtetasit Ibrahim Lleshi.

Ngjarja ka ndodhur në datë 18.02.1994, kur pas një zënke në gjendje të dehur, autori ka qëlluar me thikë viktimën, duke i shkaktuar vdekjen e menjëhershme.

Kliko per me shume info

Pas krimit, autori është larguar nga Shqipëria. Fillimisht ai është dënuar në mungesë në vitin 1996, nga gjykata e shkallës së parë Mat. Duke mos qenë i pranishëm, ai nuk ka bërë apelimin e dënimit.

Në vitin 2012, i pandehuri Pepmarku është arrestuar dhe ka kërkuar rivendosje në afat të gjykimit, me argumentin se nuk ka pasur mundësi të realizojë mbrojtje efektive gjatë procesit gjyqësor të zhvilluar ndaj tij.

Kërkesa për rivendosje në afat është pranuar nga ana e Gjykatës së Apelit Tiranë, e cila e riktheu për gjykim çështjen. Në përfundim të gjykimit të rifilluar, Prokuroria e Matit kërkon dënimin e tij me 18 vite burgim.

Vrasja e 1994

Motivi i vrasjes, në bazë të hetimeve të Prokurorisë, rezulton të jetë i rëndomtë. Me date 18.02.1994, shtetasi Qamil Pepmarku, banore i fshatit Gjocaj, rrethi Mat, ka shkuar ne fshatin Derjan  per te marre pensionin e te atit, me pas eshte takuar me shtetasin Han Pasha (i cili eshte gjykuar per vepren penale te perkrahjes se autorit te kryerjes se krimit), te cilet jane nisur drejt baneses se te denuarit, per ne fshatin Gjocaj.

Kur kane mberritur ne fshatin Dukagjin te rrethit Mat jane futur ne lokalin e shtetasit Met Dedja, aty kane pire pije alkolike. Pasi jane vene ne dijeni se ne nje lokal tjeter aty afer ndodhej deshmitari Sami Hysenlika, i cili ishte shok me te pandehurin Qamil Pepmarku jane nisur per te ky lokal. Ne tavolinen e ketij lokali kane gjetur deshmitarin Sami Hysenlika dhe viktimen Ibrahim Lleshi, si dhe deshmitarin Luan Lala.

Viktima Ibrahim Lleshi i ka qerasur me nga nje gote raki te pandehurin Qamil Pepmarku dhe shtetasin Han Pasha. Pasi kane pire goten e pare, i pandehuri dhe shtetasi Han Pasha i kane kerkuar viktimes Ibrahim te pijne dhe nga dy gota te tjera prej tij, por viktima ka refuzuar t’ua jap, refuzim ky qe ka bere te lindi grindja mes tyre.

Ne keto momente ka nderhyre pronari i lokalit dhe i ka nxjerre perjashte. Pasi kane dale jashte jane futur te lokali i shtetasit Luan Likola. Ne kete lokal shtetasi Han Pasha ka ofenduar me fjalë familjen e viktimes Ibrahim Lleshi, i cili ka nxjerre nje thike dhe i eshte drejtuar, shtetasit Han Pasha, ne keto momente kane nderhyre deshmitaret Luan Likola dhe Luan Lala, te cilet kane kapur viktimen Ibrahim Lleshi, ne kete kohe viktimes Ibrahim i ka rene thika nga dora. Kete thike e ka kapur menjehere i pandehuri Qamil Pepmarku dhe ka goditur viktimen ne bark duke i shkaktuar vdekjen e menjehershme.

Kliko per me shume info
SHARE

LEAVE A REPLY

Please enter your comment!
Please enter your name here