Gjiknuri takon bazën e PS në Dibër: Distancohemi, prokuroria të hetojë Xhelilin

Politikë

gjiknuri-diberMinistri i Energjisë dhe Industrisë Damian Gjiknuri, në cilësinë e kordinatorit të Partisë Socialiste për Qarkun Dibër zhvilloi sot një takim me strukturat lokale të partisë në këtë njësi administrative.

Strukturat e Partisë Socialiste në Bashkinë Dibër morën në shqyrtim ngjarjen e ndodhur sëfundi me protagonist kryebashkiakun Shukri Xhelili.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Njëzëri distancohen nga veprimet e kryetarit të Bashkisë Dibër, tashmë të shkarkuar nga detyra prej qeverisë. Janë veprime që nuk përfaqësojnë moralin e Partisë Socialiste. PS është e fortë dhe patjetër do ta kalojë edhe këtë ngjarje.

Është shumë me rëndësi të ndahet çështja e individit Shukri nga Partia Socialiste, ajo parti e cila e fitoi bashkinë për shkak të mbështetjes së të gjithë dibranëve. Qeveria shqiptare do ti qëndrojë pranë dibranëve për të gjitha projektet e rëndësishme që ne kemi filluar”, u shpreh Gjiknuri.

Ai gjeti rastin ti bëjë thirrje Prokurorisë ti shkojë ngjarjes nga fillimi në fund. “Qytetarëve të Dibrës ju kërkojmë ndjesë por njëkohësisht ju bëjmë thirrje që të ndajnë Partinë Socialiste nga sjelljet e individit që nuk përfaqësojnë moralin e kësaj partie”, nënvizoi Gjiknuri.

ME TE LEXUARAT