Zbulohen pamjet VIDEO nga grabitja e kazinosë në qendër të Tiranës

Aktualitet

grabGrabitja e Kazinosë, mbrëmjen e së premtes, në zonën e Komunës së Parisit në kryeqytet është kryer për një kohë shumë të shkurtër. Autorëve u kanë mjaftuar më pak se dy minuta, për të marrë sasinë e lekëve që ndodheshin në kasafortë.

Burime nga Policia e Tiranës bëjnë me dije se, në bazë të informacioneve të grumbullura deri më tani, rezulton se dy janë personat që kanë kryer grabitjen.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Siç shihet dhe nga pamjet, të siguruara nga Televizioni Klan, njëri prej autorëve mbante në dorë një çantë ngjyrë blu, ndërsa tjetri e kërcënonte me pistoletë punonjësin e kazinosë.

Që në momentin e parë, ata i kanë thënë punonjësit të sigurisë të ulet përtokë dhe më pas kanë bërë kontrolle në banak dhe kasafortën që gjendej pranë tij.

Siç duket edhe në pamjet e marra nga kamera e sigurisë, autori është i veshur me tuta ngyrë blu e errët, doreza për të mos lënë gjurmë, xhup të zi me shirit të bardhë dhe atlete ngjyrë kafe me të bardhë.

ME TE LEXUARAT