Tropojë, asgjësohen nëntë parcela me 2 mijë rrënjë kanabis

Aktualitet

kanabis-vloreForcat e policisë së Tropojës, të ndihmuara nga kolegët e Kukësit dhe operativët e FNSH-së kanë zhvilluar këtë të premte një operacion për kontrollin e territorit në zonat e thella malore tropojane.

Në një deklarate thuhet se gjatë aksionit janë gjetur dhe shkatërruar rreth 2 mijë bimë narkotike të llojit kanabis, të kultivuara në 9 parcela.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Sipas njoftimit, bimët janë gjetur në fshatrat Lekbibaj dhe në vendin e quajtur Përroi i fshatit Palc, përkatësisht 1560 dhe 440 bimë.

Në vijim të operacionit uniformat blu kanë vënë në pranga shtetasin Klodian Gjini, 26 vjeç dhe banues në fshatin Cerrnicë, i konsideruar si një ndër personat përgjegjës për kultivimin.

Më herët gjatë ditës një operacion i ngjashëm u zhvillua në Lezhë, ku në zonën e njohur si Ras i Butë u gjetën dhe u asgjësuan rreth 440 bimë kanabis.

ME TE LEXUARAT