Reforma në drejtësi, faza e hartimit të amendamenteve kushtetuese

Politikë

reforma-ne-drejtesi-fotoReforma në sistemin e drejtësisë konsiderohet sfida më e vështirë e sesionit të ri kuvendor që nis në shtator.

Shtatë muaj pas fillimit nga puna të komisionit të posaçëm, aktualisht ekspertët po punojnë për fazën e tretë të këtij procesi, që është hartimi i amendamenteve kushtetuese e ligjore, të cilat do të shënonin dhe finalizimin e saj.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Amendamentet që do të propozohen parashikojnë ndërhyrje në mbi 45 ligje, që do të përbënin dhe bazamentin e reformimit të sistemit të drejtësisë shqiptare. Hartimi i paketës së projektligjeve të nevojshme do të jetë një proces gjithëpërfshirës, i mbështetur nga institucionet e sistemit të drejtësisë, ekspertë vendas, partnerë ndërkombëtarë, etj.

Kjo fazë e III-të e reformës parashikon:

I. Paketën e ndryshimeve kushtetuese, që përfshin:

– amendamente kushtetuese për sistemin e drejtësisë

– për çështjet e tjera (BE,NATO, Dekrimininalizimi etj)

– ligjin “për Gjykatën Kushtetuese

– ligj organik për Presidentin

– ligj për Referendumet

II. Paketa ligjore për reformën në gjyqësor përfshin:

– ligji ‘për Organizimin Gjyqësor’

– ligji ‘për Administratën gjyqësore’

– ligji ‘për Statusin e Gjyqtarëve’

– ligji ‘per Keshillin e Larte te Drejtesise’

– ligj ‘për organin e Inspektimit dhe procedimit disiplinor’

– ligji “Për Konferencën Gjyqësore Kombëtare”

– ligji ‘Për Gjykatat Administrative’

– ligji “Për Ministrinë e Drejtësisë’

– ligji “Për Kodin e Procedurës civile”.

III. Paketa ligjore për drejtësinë penale përfshin:

– ligji ‘për Prokurorinë & Këshillin e Lartë të Prokurorisë’

– ligji “Për Policinë gjyqësore”

– Kodi i Procedurës Penale

– Kodi Penal

– ligji “Për Policinë e burgjeve”

– ligji “Për Ekzekutimin e vendimeve penale”

– ligji “Për të Drejtat dhe trajtimin e personave të dënuar dhe mbajtja në paraburgim”

IV. Paketa e masave ligjore Antikorrupsion përfshin:

– ligji “për Prokurorinë Kombëtare Antikorrupsion

– ligji “Për Gjykatën e Krimeve të Rënda dhe Antikorrupsion”

– ligji “Për Parandalimin e konfliktit të interesit në ushtrimin e funksioneve publike”

– ligji “Për Deklarimin dhe kontrollin e pasurive dhe detyrimeve financiare të personave të zgjedhur dhe disa zyrtarëve publikë”

– ligji “Për disa ndryshime ne ligjin Antimafia”

V. Paketa ligjore për edukimin ligjor dhe arsimin juridik përfshin:

– ligji “Për Arsimin e lartë” (Propozime për ndryshime të mundshme)

– ligj për provimin e shtetit

– ligji “Për Shkollën e Magjistraturës”

– ligji “Për Edukimin ligjor të shtetasve”

VI. Paketa ligjore për profesionet e lira dhe shërbimet ligjore

– ligji “Për Profesionin e avokatit”

– ligji “Për Përmbaruesin gjyqësor privat”

– ligji “Për Noterinë”

– ligji “Për Ndërmjetësimin e mosmarrëveshjeve”

– ligji “Për Ndihmën ligjore”

– ligji “Për Avokaturën e Shtetit”

VII. Paketa ligjore për financimin

– ligji “Për menaxhimin e Buxhetit të shtetit”

– ligji “Për Buxhetin e Gjyqësorit”

– ligji për ZABGJ

– ligji “Për tarifat e Gjyqësorit”

– ligji “Per parandalimin e pastrimit te parave dhe financimit te terrorizmit”

– ligji “Per bankat apo rregulloreve ne lidhje me bankat”

Reforma në drejtësi ka përmbyllur tashmë dy fazat e para të saj. Analiza e Sistemit të Drejtësisë në Shqipëri, që përbën dhe fazën e parë, është një dokument me rreth 450 faqe, i pari i këtij lloji në 25 vjet, i cili pasqyron në mënyrë të plotë një analizë të hollësishme mbi sistemin e drejtësisë në vendin tonë.

Ndërsa faza e dytë lidhet me Strategjinë për Reformimin e Drejtësisë dhe Planin e Veprimit për zhvillimin e saj. Ky dokument synon t’u japë zgjidhje gjetjeve, problematikave dhe përfundimeve të identifikuara në dokumentin e analizës së sistemit të drejtësisë, përmes ndërhyrjeve kushtetuese e ligjore që duhen kryer në këtë drejtim.

Reforma në drejtësi, e konsideruar një kusht kyç për integrimin në Bashkimin Europian, ka vëmendjen maksimale të maxhorancës së majtë për realizimin e plotë të saj.

“Ky proces synon të seleksionojë në radhët e gjyqtarëve e prokurorëve ata që përmbushin standardet europiane, duke u ndarë nga të paaftit, të korruptuarit dhe të inkriminuarit”, u shpreh pak ditë më parë kryetari i komisionit të posaçëm parlamentar, Fatmir Xhafaj.

ME TE LEXUARAT