Elbasan, sekuestrohet mjeti dhe lënda drusore kontrabandë
Efektivat e Komisariatit të Policisë Elbasan, në vijim të punës së tyre për parandalimin dhe ndëshkimin e personave që dëmtojnë pyjet, duke prerë dhe transportuar lëndë drusore në mënyrë të paligjshme, kanë bërë arrestimin në flagrancë të shtetasit Viktor Balla, vjeç 42, banues në fshatin Sterstan Elbasan.
Arrestimi në flagrancë i tij, u bë pasi u kap në flagrancë duke transportuar me mjetin e tij tip Kamion me targa EL 1147 B pa asnjë dokument (leje nga Drejtoria Pyjore për prerje apo transport të lëndëve drusore) 7m3 lëndë drusore të prera në mënyrë të paligjshme, në pyllin e fshatit Sterstan. Nga veprimet e para hetimore, në cilësinë e provës materiale u sekuestruan 7m3 lëndë drusore dhe mjeti tip “Kamion” me targa EL 1147 B.