Parku i Tiranës, Rama: Projekti çon përpara transformimin e kryeqytetit

Politikë

edi_rama2014U hap të hënën konkursi ndërkombëtar për shndërrimin e hyrjes së parkut të Tiranës. Kryeministri Edi Rama, i pranishëm në ceremoni, e konsideroi projektin si një instrument me vlerë që do të çojë përpara projektin e transformimit të kryeqytetit tonë.

“Ky projekt merr një rëndësi të posaçme pasi i hap rrugë programit transformues për gjithë parkun e integruar të Tiranës. Ai do të krijojë një hapësirë të përbashkët mes hapësirave të ndara ekzistuese te parku i liqenit”, tha kryeministri.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Projekti, theksoi ai, i cili përfshin një hapësirë të kufizuar brenda asaj të madhe është kyç se do të krijojë kushte për të hapur një kantier të madh për Tiranën duke bërë të mundur thellimin e punës në fazën e parë që është ajo që lidhet me hyrjen e parkut.

Kryeministri vlerësoi pjesëmarrjen në konkursin e sotëm të studiove të njohura ndërkombëtare, të cilat do të ballafaqojnë propozimet e tyre përballë një jurie prestigjioze, në mbështetje të transformimit sa më shpejt të kësaj hapësire.

ME TE LEXUARAT