Obama: Kriza greke prek BE-në, jo SHBA-në

Bota

obama20155Presidenti i Shteteve të Bashkuara, Barack Obama, ka thënë se kriza aktuale në Greqi nuk duhet të shkaktojë “reagime të tepruara” në SHBA, edhe pse zyrtarët amerikanë janë duke monitoruar situatën.

“Sa i përket popullit amerikan, kjo nuk është diçka që do të shkaktojë tronditje të madhe në sistem. Por, padyshim se është e dhimbshme për popullin grek dhe mund të ketë efekt të rëndësishëm në normat e rritjes në Evropë”, ka thënë Obama.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ai i ka bërë këto komente në një konferencë për media në Uashington, së bashku me presidenten e Brazilit.

Greqia ka afat deri në mesnatë që t’i paguajë Fondit Monetar Ndërkombëtar 1.6 miliard euro, në të kundërtën falimenton.

Kreditorët ndërkombëtarë i kanë bllokuar Greqisë fondet e ndihmës, derisa ajo të mos bie dakord për reforma.

ME TE LEXUARAT