Ja cfarë kërkojnë më shumë shqiptarët në Google

Teknologji

google1Një studim ndërkombëtar lidhur me interesin që shfaqin përdoruesit e motorit të kërkimit ‘Google’, lidhur me koston e një shërbimi të caktuar në shtete të ndryshme të botës tregoi se ne Shqipëri janë më shumë të interesuar për koston e një operacioni plastik.

Pas shumë analizave, ka rezultuar se më së shumti në vendin tonë interesohen për koston e një operacioni plastik në hundë, shumë me ndryshe nga fqinjët e Ballkanit, apo vendet e tjera të Europës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në Greqi interesi më i madh shfaqet mbi koston e një martese. Kosovarët, maqedonasit, serbët e kroatët janë më së shumti të fokusuar te kostot e ushqimeve, si buka, kafe apo birra.

Në shumicën e rasteve, në Italia interesohen për çmimin e një makine “Ferrari”, ndërsa në Monako kryefjala e kërkimeve në ‘Google’, është kostoja e parkimit të një jahti. Në Ukrainë, Bullgari, Letoni e Austri, çmimi i një prostitute është fjala kyçe më e përdorur në këto shtete.

Ndërkaq në vendet e tjera të Europës, mbizotëron kryesisht interesi për koston e jetesës, ushqimeve apo edhe të studimeve.

Duke u shtrirë në gjithë botën, në studimin në fjalë bien në sy kërkesat e shumta që vijnë nga Rusia për të ditur koston e fluturimeve me avionët ushtarak “MIG”.

Sipas studimit, në Amerikë kërkohet më së shumti të dihet vlera e një patente, ndërsa në Kanada ajo e një pasaporte. Veç vendeve të Lindjes së Europës për prostitucionin, një interes i madh shfaqet dhe në Brazil e Hong Kong.

Ajo që është alarmante në këtë studim është se në Mauritani, njerëzit janë më së shumti të interesuar mbi çmimin e një skllavi, ndërsa në Iran për vlerën e një veshke. Ndërsa në vende të tjera në Afrikë dhe Arabi, nafta, devetë dhe lopët janë artikujt më të kërkuar.

Groenlanda dhe Antarktida, vendet më pak të banuara në botë, mbajnë kreun e renditjes lidhur me kërkesat që shfaqen për blerjen e tokave.tch

ME TE LEXUARAT