Lista Serbe kërkon nga Vetëvendosje të pushojë me gjuhën e urrejtjes

Kosovë&Rajon

listaLista Serbe ka reaguar sot me anë të një komunikate në lidhje me deklaratën e anëtarit të Lëvizjes Vetëvendosje, Erzen Vraniqi, i cili dje këtë grupacion politik serb e ka quajtur “krijesë fashiste”.

Sipas Listës Serbe, pikërisht sjelljet e Vetëvendosjes janë shoviniste dhe frikësuese për serbët në Kosovë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Organizatat siç është Vetëvendosja fuqinë e vet e humbë në shkatërrime dhe i vetmi interes i tyre është lufta kundër çfarëdo sistemi rregullues, për çka para do kohësh kanë mundur të vërtetohen qytetarët e shumë qyteteve në Kosove. Qasja e vetme e saj është paturpësia e deklaratave populliste dhe keqpërdorimi i problemeve të grumbulluara ekonomike që shfaqin pakënaqësinë e qytetarëve”, thuhet në reagim.

Kur është fjala për akuzat e Vraniqit se Lista Serbe nuk posedon kurrfarë respekti për qytetaret shqiptarë, subjekti politik serb dëshiron të përkujtojë se “nuk janë anëtaret e organizatës së tyre ata që sistematikisht rrënojnë përmendoret e fqinjëve të tyre dhe nuk gjuajnë me gurë njerëzit të cilët shkojnë të vajtojnë të afërmit e tyre të vdekur”.

“Çfarë pozite do të kishin serbët nëse fjalën vendimtare në jetën politike do ta kishte Lëvizja Vetëvendosje? Për fat të mirë, kurrë nuk do ta kuptojmë, sepse besojmë që shumica e bashkëqytetarëve tanë shqiptarë dëshiron të jetojë në shoqërinë në të cilën turma nuk sulmon institucionet e veta dhe nuk sulmon gazetarë apo autobusë”, thuhet në reagim.

Lista Serbe fton Vetëvendosjen të pushojë me gjuhën e urrejtjes dhe veprimet ekstremiste të cilat destabilizojnë politikisht Kosovën sepse nga këto nuk mund të kenë leverdi as shqiptarët as serbët.

ME TE LEXUARAT