Riparohet dhe vihet në punë skaneri i kontenjerëve në Doganën e Portit të Durrësit

Aktualitet

durresSkaneri që ndodhet në sheshin e kontenjerëve në Doganën e Portit të Durrësit prej ditës së sotme është funksional dhe i riparuar plotësisht. Ky skaner qëndronte jashtë funksionit që nga viti 2012, duke ndikuar në punën e përditshme mes doganës dhe operatorëve ekonomikë.

Dogana Shqiptare ka marrë masat për përcaktimin e shkallës së dëmtimit të skanerit dhe pas evidentimeve të kryera është nisur edhe riparimi i tij i plotë.

Ky skaner është dhuratë e qeverisë kineze, dhe është marrë në dorëzim në prill të vitit 2008. Por që nga viti 2012, ai ka qenë tërësisht jashtë funksionit. Për riparimin e tij janë marrë sërish specialistë kinezë, të cilët kanë konstatuar që ky skaner ka punuar vetëm 200 orë/punë dhe më pas është prishur. Skanerit nuk i ishin kryer shërbimet e nevojshme për ta mbajtur në punë, çka kishte sjellë dëmtimin dhe nxjerrjen e tij jashtë funksionit.

Me skanerin e riparuar dhe funksional tashmë në Doganën e Portit të Durrësit do të rritet shpejtësia me të cilën kontrollohen dhe përpunohen kontenjerët, duke i dhënë biznesit me shumë lehtësi dhe shpejtësi, ndërsa nga ana tjetër, dogana kryen kontrolle më efikase, më të shpejta dhe të sigurta.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Riparimi i tij u bë nga shoqëria “Nuctech Company Limited”, e cila mori përsipër realizimin e kontratës në vlerën 5 444 320 lekë pa Tvsh, konform të gjitha proçedurave të tenderimit.

Avantazhet e përdorimit të skanerit janë si më poshtë:

Rritje e mundësisë për evidentim të shkeljeve doganore në përgjithësi duke çuar në rritjen e të ardhurave

Rritje e mundësisë për evidentimin e trafiqeve të paligjshme (narkotikë, armë, klandestinë, etj.)

Reduktimi i kohës dhe kostos së përpunimit të mjeteve të përzgjedhura për kontroll

Mundësi më të mëdha kontrolli për mallra të cilat kërkojnë kushte specifike kontrolli

Përdorim/shpërndarje më e mirë e burimeve njerëzore

Ndërtimi i reputacionit/forcimi i besimit të publikut

Reduktim i kostove për biznesin

ME TE LEXUARAT