April 16, 2014

amc-spring980x100px

Tiranë, arrestohen dy persona të kërkuar nga Interpoli

tearrestuaritTirane – Dy persona janë vënë në pranga nga strukturat e Policisë së Shtetit gjatë ditës së sotme. Burimet zyrtare thanë se forcat e policisë bënë të mundur arrestimin e 2 personave të shpallur në kërkim ndërkombëtar për krime në fushën e narkotikëve.
Nga Drejtoria e Policisë së Qarkut Elbasan, nga një operacion i konkluduar, sot rreth mesditës, është arrestuar shtetasi shqiptar i shpallur në kërkim ndërkombëtar Gëzim Selman Karaj, vjeç 45, nga Elbasani.
Ky shtetas ishte shpallur në kërkim nga Interpol Roma. Ndaj tij Gjykata e Milanos ka lëshuar urdhrin e arrestit të datës 16.04.2013, pasi akuzohet për kryerjen e veprës penale ”trafik droge”.
Po sot, nga një operacion i strukturave kundër narkotikëve të Drejtorisë së Policisë së Qarkut Durrës, u bë e mundur kapja e të kërkuarit Pirro Arkile Spiri, vjeç 40, banues në Durrës.
Ky shtetas ishte shpallur në kërkim nga Interpol Roma, pasi Gjykata e Frosinones me vendim të datës 30.07.2013, e ka dënuar me 14 vjet burgim për ”shkelje të ligjit mbi drogat-heroinë”. Aktualisht ky shtetas duhet të vuajë pjesën e mbetur të dënimit prej 10 vjet e 5 muaj.
Arrestimi i tyre është bërë me qëllim ekstradimi drejt shtetit Italian, bazuar në marrëveshjen ndërmjet dy vendeve.

Leave A Comment