Dhurimi i gjakut, përcillen mesazhe ndërgjegjësimi

dhurimi gjakutTIRANE-Organizata Shqiptare e Dhuruesve Vullnetarë të Gjakut organizoi sot një aktivitetet sensibilizues për dhurimin vullnetar të gjakut pranë Parkut “Rinia”, ku dhe u ngrit çadra për personat që dhuruan gjak. 

Aktiviteti, “Flaka e Dashurisë dhe e Solidaritetit”, i ndërmarrë në kuadrin e Projektit IADSA dhe në bashkëpunim me Ministrinë e Shëndetësisë, Qendrën Kombëtare të Transfuzionit të Gjakut dhe Shoqatën e Talasemisë, konsistoi në pasimin e flakës (si flaka olimpike) nga grupe të ndryshëm dhuruesish.

Simbol i dashurisë dhe solidaritetit, me qëllim, nxitjen dhe sensibilizimin e popullsisë për dhurimin e gjakut si një akt i lartë qytetarie dhe solidariteti human, rrugëtimi i flakës nisi nga Sheshi “Nënë Tereza” dhe, pasi përshkoi Bulevardin “Dëshmorët e Kombit”, mbërriti në Parkun ‘Rinia’.

Flaka u ndez nga ministri i Shëndetësisë, Ilir Beqaj, Ambasadori Italian, Massimo Gaiani, si dhe Presidenti i Organizata Shqiptare e Dhuruesve Vullnetarë të Gjakut, Natale Capodicasa, të cilët përcollën mesazhe sensibilizimi për dhurimin vullnetar të gjakut.

 

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>