Ligji i ri, leje qëndrimi për fëmijët e lindur dhe shkolluar në Greqi

greqi_athineAdministrate greke ka njoftuar se do të unifikojë legjislacionin për lejet e qëndrimit për emigrantët e huaj. Nga vendimi pritet të përfitojnë disa mijëra emigrantë shqiptarë të cilët prej vitesh nuk kanë arritur të ripërtërijnë dokumentet.
Projektligji i ri shkurton kategoritë e lejeve të qëndrimit si dhe lehtëson praktikat për përfitimin e lejeve nga fëmijët e emigrantëve. Qeveria e Demokracisë së Re dhe e PASOK me këtë paketë po përpiqen të kapërcejnë klauzolën e dhënies së nënshtetësisë për emigrantët dhe fëmijët e tyre, e cila kishte krijuar probleme brenda qeverisë.
Kodi i ri i Emigracionit do të paraqitet në Parlament nga ministri i brendshëm grek, Janis Mihelakis në 29 gusht, ose në fillim të shtatorit. Për projektligjin dhe përmbajtjen e tij janë informuar PASOK, ndërkohë që pritet të çelet drita jeshile edhe nga kryeministria.
Sipas projektligjit të ri:
-Të gjithë fëmijët që lindin në Greqi, ose të gjithë ata që shkojnë në shkollë do të përfitojnë lejen pa afat të qëndrimit. Dhe në këtë mënyrë, problemi i nënshtetësisë tejkalohet. Sipas këtij paragrafi, të gjithë ata që kanë lejet afatgjata të qëndrimit do të mund të përfitojnë lejet pa afat të qëndrimit. Me ketë kartë, emigrantët e ligjshëm mundet të shkojnë në të gjitha vendet e BE, jo vetëm për të kryer turizëm, por edhe për të kërkuar fatin e tyre andej në punë e jetesë, gjë që nuk do të mund ta bënin deri tani po të mos kishin nënshtetësinë greke.
– Kjo procedurë karakterizohet nga hartuesit e projektligjit si revolucionar, pasi shumë nga palët, kanë shprehur pakënaqësira për faktin që emigrantët ngujohen në Greqinë e krizës, ku nuk mund të gjejnë punë, fakt që u kushton edhe rinovimin e lejes së qëndrimit, pasi deri tani ajo varet nga pullat e siguracioneve shoqërore, të cilat duhet të ishin në një numër të përcaktuar në vit, pasi leja shoqërohej domosdoshmërisht nga sigurimet dhe varet nga libri i shëndetit.
-Në të njëjtin kuadër në projektligjin e ri parashikohet edhe rinovimi i lejes familjare të qëndrimit, e cila deri më sot kërkonte të ardhurat vjetore minimalisht 10.200 euro. Kjo dispozitë abrogohet dhe bëhet më elastike. Po ashtu hiqen edhe mbi 20 dokumenta që kërkoheshin për dhënien e rinovimin e lejeve të qëndrimit. Po ashtu kategorizohen edhe lejet e punës. Nga 4 leje që ekzistojnë deri më sot, ato shkojnë në 1 leje të përgjithshme punë.
-Në projektligjin e ri është edhe krijimi i Qendrave të Shërbimit të Qytetarëve (KEP), të ashtuquajturat «One Stop Shop», të cilat do të funksionojnë ekskluzivsht për emigrantët. Sipas projektligjit që këtej e tutje emigrantët e ligjshëm do të mund t’i marrin lejet e tyre të qëndrimit nga KEP. Lejet e reja të qëndrimit vështirë se do të mund të falsifikohen dhe do të jenë kryesisht biometrike.

Kliko per me shume info Kliko per me shume info Kliko per me shume info Kliko per me shume info ------------------------------------------------------------

2 comments

  1. po te ralzohen kto qe lexova do ndimoni me kto dekumentat se u bem me fiksime me shtrese per kto lejet e qendrimit

  2. Le te shpresojme se do te realizohen keto qe thoni, pak e veshtire, Ju flm per informacionin.

Leave a Reply

Your email address will not be published. Required fields are marked *

*

x

Check Also

kadare-france

Presidenti i Francës i jep Ismail Kadaresë titullin “Komandant i Legjionit të Nderit” në “Élysée”

Presidenti francez Francois Hollande do t’i dorëzojë sot shkrimtarit Ismail Kadare, titullin ...